കർഷക സമരം; കേരള സ്റ്റേറ്റ് കർഷകത്തൊഴിലാളി യൂണിയൻ വളാഞ്ചേരിയിൽ സത്യാഗ്രഹം സംഘടിപ്പിച്ചു

വളാഞ്ചേരി : കർഷകവിരുദ്ധ നിയമത്തിനെതിരേ കർഷകർ നടത്തുന്ന സമരത്തിന് ഐക്യദാർഢ്യം പ്രഖ്യാപിച്ച് കേരള സ്റ്റേറ്റ് കർഷകത്തൊഴിലാളി യൂണിയൻ (കെ.എസ്.കെ.ടി.യു) വളാഞ്ചേരി ഏരിയാകമ്മിറ്റി ബസ്‌സ്റ്റാൻഡ് പരിസരത്ത് സത്യാഗ്രഹം സംഘടിപ്പിച്ചു.

ജില്ലാ പ്രസിഡന്റ് എം.പി. അലവി ഉദ്ഘാടനംചെയ്തു. യൂണിയൻ ഏരിയാപ്രസിഡന്റ് കെ.പി. നാരായണൻ അധ്യക്ഷനായി. സി.പി.എം. ഏരിയാസെക്രട്ടറി കെ.പി. ശങ്കരൻ, സി.ഐ.ടി.യു. ഏരിയാ സെക്രട്ടറി കെ.എം. ഫിറോസ് ബാബു, എം.പി. ജമീല, കെ.ആർ. സുകുമാരൻ, കെ.പി. പവിത്രൻ, ടി.പി. രഘുനാഥ്, എൻ. വേണുഗോപാൽ, ടി. സുരേന്ദ്രൻ എന്നിവർ പ്രസംഗിച്ചു.