വിവിധ ആവശ്യങ്ങൾ ഉന്നയിച്ച് കേരള പ്രവാസി സംഘം വെട്ടിച്ചിറയിൽ ധർണ നടത്തി

ആതവനാട്:കരിപ്പൂർ എയർപോർട്ട് സ്വകാര്യവൽക്കരിക്കരുത്, മലബാർ സമര സേനാനികളുടെ പേര് ചരിത്ര ഗവേഷണ കൗൺസിലിൽ നിന്ന് നീക്കം ചെയ്യാനുള്ള തീരുമാനം കേന്ദ്ര ഗവൺമെൻ്റ് തിരുത്തുക എന്നീ ആവശ്യങ്ങൾ ഉന്നയിച്ച് കേരള പ്രവാസി സംഘം എരിയ കേന്ദ്രങ്ങളിൽ സായാഹ്ന ധർണ നടത്തി, വളാഞ്ചേരി ഏരിയയിൽ വെട്ടിച്ചിറയിൽ ധർണ സംസ്ഥാന കമ്മിറ്റി അംഗം ഉസ്മാൻ പൂളക്കോട്ട് ഉൽഘാടനം ചെയ്തു. എരിയ പ്രസിഡണ്ട് ടി പി അബ്ദുൾ ഗഫൂർ അധ്യക്ഷത വഹിച്ചു, ഏരിയ സെക്രട്ടറി മുസ്തഫ ചെല്ലുർ, സി മൊയ്തീൻ കുട്ടി, എൻ പി സുബ്രഹ്മണ്യൻ, സദാനന്ദൻ കോട്ടീരി, കുഞ്ഞു ചുങ്കം, സി അബ്ദുൾ റസാഖ് എന്നിവർ സംസാരിച്ചു.