ഗർഷോം പ്രവാസി ഭവന പദ്ധതി; കേരള പ്രവാസി സംഘം കുറ്റിപ്പുറം പള്ളിപ്പടിയിൽ നിർമിച്ച ഭവനത്തിൻ്റെ താക്കോൽദാനം നാളെ

കുറ്റിപ്പുറം: കേരള പ്രവാസി സംഘം ജില്ലാ കമ്മിറ്റിയുടെ നേതൃത്വത്തിൽ കുറ്റിപ്പുറം പള്ളിപ്പടിയിൽ നിർദ്ദന കുടുംബത്തിലെ വിധവയ്ക്ക് നിർമിച്ചു നൽകിയ ഭവനത്തിൻ്റെ താക്കോൽദാനം കായിക വകുപ്പ് മന്ത്രി വി അബ്ദുറഹിമാൻ നാളെ നിർവഹിക്കും. ഗർഷോം പ്രവാസി ഭവന പദ്ധതിയുടെ ഭാഗമായാണ് വീട് നിർമിച്ചു നൽകിയത്. ഞായറാഴ്ച വൈകീട്ട് നാലു മണിക്ക് നടക്കുന്ന ചടങ്ങിൽ പ്രവാസി സംഘം സംസ്ഥാന പ്രസിഡൻ്റ് അഡ്വ.ഗഫൂർ പി ലില്ലിസ് സംബന്ധിക്കും. മൂന്ന് വർഷത്തിനുള്ളിൽ ജില്ലയിലെ നൂറോളം പഞ്ചായത്തുകളിൽ ഗർഷോം പ്രവാസി ഭവനം സൗജന്യമായി നിർമിച്ചു നൽകുമെന്ന് ഭാരവാഹികൾ പത്രസമ്മേളനത്തിൽ പറഞ്ഞു. പ്രവാസി സംഘം സംസ്ഥാന കമ്മിറ്റി അംഗങ്ങളായ ഉസ്മാൻ പൂളക്കോട്ട്, കെ.കെ പ്രീതി, ചെയർമാൻ സി.വേലായുധൻ, കൺവീനർപി.കെ മുഹമ്മദലി, പ്രവാസി സംഘം ഏരിയ പ്രസിഡൻ്റ് ടി.പിഅബ്ദുൾഗഫൂർ, ജില്ലാ കമ്മിറ്റി അംഗം ഹംസ മാണിയങ്കാട് എന്നിവർ സംബന്ധിച്ചു.