കെ.എച്.ആർ.എ മെഡിക്കൽ ക്യാമ്പ് 2020ന് വളാഞ്ചേരിയിൽ തുടക്കമായി

വളാഞ്ചേരി: വളാഞ്ചേരിയിലെ ഹോട്ടൽ ബേക്കറി, കൂൾബാർ എന്നിവിടങ്ങളിലെ ജീവനക്കാരുടെ ആരോഗ്യ സംബന്ധമായ വിവരങ്ങൾ ശേഖരിക്കുന്നതിനും മെഡിക്കൽ സർട്ടിഫിക്കറ്റ് തയ്യാറാക്കുന്നതിനും വേണ്ടി കെ.എച്.ആർ.എ വളാഞ്ചേരി യൂണിറ്റ് കമ്മിറ്റി പ്രമുഖ ലബോറട്ടറി അർമ ലാബിന്റെ സഹകരണത്തോടെ രണ്ട് ദിവസങ്ങളിലായി സംഘടിപ്പിക്കുന്ന മെഡിക്കൽ ക്യാമ്പിന്റെ ഔപചാരിക ഉദ്‌ഘാടനം അർമ ലാബിൽ വെച്ച് കെ.എച്.ആർ.എ വളാഞ്ചേരി യൂണിറ്റ് പ്രസിഡന്റ് CM മുരളീധരന്റെ അധ്യക്ഷതയിൽ ഹെൽത്ത് ഇൻസ്പെക്ടർ NN ബഷീർ നിർവഹിച്ചു. കെ.എച്.ആർ.എ യൂണിറ്റ് ജനറൽ സെക്രട്ടറി KC ഉബൈദ് സ്വാഗതം പറഞ്ഞു. ഡോക്ടർ നവീൻ അലക്സ് സാമുവൽ, അർമ ലാബ് CEO സുനിൽ സാദത്ത്, നൗഫൽ അൽബൈക് എന്നിവർ പ്രസംഗിച്ചു. കെ.എച്.ആർ.എ ഭാരവാഹികളായ നിസാർ പാലാറ, മാനുപ്പ ബ്രദേഴ്സ്, അലി നിള ബേക്സ്, കാസിം അൽത്താസ, കമറുദ്ധീൻ, റസാഖ് ബിസ്മില്ല, അഷ്റഫ് എന്നിവർ സാന്നിഹിതരായി.