കൊടുമുടിക്കാവ് താലപ്പൊലി ആഘോഷിച്ചു
ഇരിമ്പിളിയം : വലിയകുന്ന് കൊടമുടിക്കാവ് ഭഗവതീക്ഷേത്രത്തിലെ നാട്ടുതാലപ്പൊലി ആഘോഷിച്ചു. ആന, പൂതൻ, തിറ, മേളം എന്നിവയുടെ അകമ്പടിയും ദേശവരവുകളും ഉത്സവത്തിന് പൊലിമനൽകി. ഉച്ചയ്ക്ക് രണ്ടരയോടെ പകൽപ്പൂരം എഴുന്നള്ളിപ്പ് തുടങ്ങി. മൂന്നരയ്ക്ക് വേലയും കരിവേലയും നടന്നു. അഞ്ചരയ്ക്ക് വരവുകൾ കാവിലേക്ക് നീങ്ങി. വൈകുന്നേരം ആറരയ്ക്ക് ദീപാരാധനയും രാത്രി പത്തിന് മായനൂർ അമർനാഥ് മാരാരുടെ തായമ്പകയും തുടർന്ന് കേളിയുമുണ്ടായി.
രാവിലെ ശ്രീലകത്ത് വിശേഷാൽപൂജകൾക്കുശേഷം 12-ന് തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണി നമ്പൂതിരിപ്പാടിന്റെ കാർമികത്വത്തിൽ ഗുരുതിതർപ്പണം നടന്നു. പ്രസാദ ഊട്ടുമുണ്ടായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
