പ്ലസ് വണ്‍ വിദ്യാര്‍ത്ഥിനിയെ ശല്യപ്പെടുത്തിയ കേസില്‍ യുവാവിനെ കൊളത്തൂര്‍ പോലീസ് അറസ്റ്റ് ചെയ്തു
കൊളത്തൂര്‍: പ്രായപൂര്‍ത്തിയാകാത്ത പ്ലസ് വണ്‍ വിദ്യാര്‍ത്ഥിനിയെ നിരന്തരമായി പിറകെ നടന്ന് ശല്യപ്പെടുത്തിയ കേസില്‍ യുവാവിനെ കൊളത്തൂര്‍ പോലീസ് അറസ്റ്റ് ചെയ്തു.പുഴക്കാട്ടിരി മധുരം കുന്നത്ത് മുബഷിറിനെ കൊളത്തൂര്‍ പോലീസ് ഇന്‍സ്‌പെക്ടര്‍ പിഎം ഷമീറിന്റെ നേതൃത്യത്തില്‍ ആണ് അറസ്റ്റ് ചെയ്തത്. പെണ്‍കുട്ടി ഏഴാം ക്ലാസില്‍ പഠിക്കുന്ന സമയം മുതല്‍ പ്രതി ഇഷ്ടമാണെന്നും പിന്നീട് വിവാഹം കഴിക്കാന്‍ ആഗ്രഹം ഉണ്ടന്നും പറഞ്ഞും നിരന്തരം പിറകെ നടക്കുകയായിരുന്നു. രാത്രി സമയത്തും കുട്ടി താമസിക്കുന്ന വീട്ടില്‍ വന്ന് ജനലില്‍ തട്ടി വിളിക്കുകയും ചെയ്തതിനെ തുടര്‍ന്ന് പെണ്‍കുട്ടി പിതാവിനോടൊപ്പം കൊളത്തൂര്‍ പോലീസ് സ്റ്റേഷനില്‍ പരാതി നല്കുകയായിരുന്നു. കഴിഞ്ഞ 22 ന് കേസ് രജിസ്ടര്‍ ചെയ്ത് അന്വേഷണം നടത്തിയതോടെ പ്രതി പിടിയിലായി.കൊളത്തൂര്‍ എസ്‌ഐ സെയ്തലവി തെക്കത്ത് അറസ്റ്റ് രേഖപ്പെടുത്തി.കോടതിയില്‍ ഹാജറാക്കിയ പ്രതിയെ 14 ദിവസത്തേക്ക് റിമാന്റ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
