സി.പി.ഐ. കോട്ടയ്ക്കൽ മണ്ഡലം സമ്മേളനം കുറ്റിപ്പുറത്ത്‌ തുടങ്ങി

കുറ്റിപ്പുറം: സി.പി.ഐ. കോട്ടയ്ക്കൽ മണ്ഡലം സമ്മേളനം കുറ്റിപ്പുറത്ത് തുടങ്ങി. സമ്മേളനത്തിന്റെ ഭാഗമായുള്ള ബാനർ വെണ്ടല്ലൂരിലെ ചന്ദ്രശേഖരന്റെ വീട്ടിൽനിന്ന് അജിത് കൊളാടി ജാഥാ ക്യാപ്റ്റൻ വി. അരവിന്ദാക്ഷന് കൈമാറി. സമ്മേളന നഗരിയിൽ ഉയർത്താനുള്ള പതാക പൂക്കാട്ടിരിയിലെ പി. ജയപ്രകാശിന്റെ വീട്ടിൽനിന്ന് എം.എ. അജയകുമാർ പതാകജാഥ നയിക്കുന്ന ഗിരിജ വത്സരാജിന് കൈമാറി. കൊടിമരം എ.യു. രാമചന്ദ്രന്റെ വീട്ടിൽ വെച്ച് അഷറഫലി കാളിയത്ത് ജാഥാ ക്യാപ്റ്റൻ ടി. ജാനിസ്ബാബുവിന് കൈമാറി. വിവിധ കേന്ദ്രങ്ങളിൽ എം. ജയരാജ്, സുരേഷ് വലിയകുന്ന്, എം. ഗിരിജ, പി.എം. സുരേഷ്, പി.എ. സലാം, വി. പ്രശാന്ത് എന്നിവർ പ്രസംഗിച്ചു. ജാഥകൾ കുറ്റിപ്പുറത്ത് നാരായണൻ മാസ്റ്റർ നഗറിൽ സമാപിച്ചു. തുടർന്ന് നടന്ന പൊതുസമ്മേളനം അജിത് കൊളാടി ഉദ്ഘാടനം ചെയ്തു. അലി കൈപ്പള്ളി അധ്യക്ഷത വഹിച്ചു. അഷറഫലി കാളിയത്ത്, വി. അരവിന്ദാക്ഷൻ, കെ. മോഹൻദാസ്, അഡ്വ. ദീപാ നാരായണൻ, ഷഫീഖ് കുറ്റിപ്പുറം എന്നിവർ പ്രസംഗിച്ചു. ഞായറാഴ്ച രാവിലെ പത്തിനാണ് പ്രതിനിധി സമ്മേളനം. പി.പി. സുനീർ ഉദ്ഘാടനം ചെയ്യും.