അബുദാബി കോട്ടക്കൽ മണ്ഡലം കെഎംസിസി അനുസ്മരണവും യാത്രയയപ്പും സംഘടിപ്പിച്ചു

അബുദാബി :സയ്യിദ് ഹൈദറലി ശിഹാബ് തങ്ങൾ, മുർക്കത്ത് ഹംസ മാസ്റ്റർ എന്നിവരുടെ അനുസ്മരണവും മലപ്പുറം ജില്ല കെ എം സി സി വൈസ് പ്രസിഡന്റ് സൈനുദ്ധീൻ കൊടുമുടിക്ക് യാത്രയയപ്പും നൽകി. അബുദാബി കോട്ടക്കൽ മണ്ഡലം കെഎംസിസി സംഘടിപ്പിച്ച അനുസ്മരണ പരിപാടി സംസ്ഥാന കെഎംസിസി സീനിയർ വൈസ് പ്രസിഡന്റ്‌ അസീസ് കാളിയാടൻ ഉദ്ഘാടനം ചെയ്തു.

ജില്ലാ കെഎംസിസി പ്രസിഡന്റ്‌ ഹിദായത്ത് പറപ്പൂർ, എടയൂർ പഞ്ചായത്ത്‌ മുസ്ലിം ലീഗ് പ്രസിഡന്റ്‌ മൊയ്‌ദു എടയൂർ, ജില്ലാ കെഎംസിസി ട്രഷറർ ഹംസു ഹാജി പാറയിൽ, സെക്രട്ടറി ഹസൈനാർ ഹാജി കോട്ടയിൽ എന്നിവർ അനുസ്മരണ പ്രഭാഷണം നടത്തി. ഇന്ത്യൻ ഇസ്ലാമിക് സെന്ററിൽ നടന്ന ചടങ്ങിൽ മൊയ്‌ദുട്ടി വേളേരി അധ്യക്ഷത വഹിച്ചു. മണ്ഡലം ഭാരവാഹികളായ അഷ്‌റഫ്‌ കെകെ, സൈദ് മുഹമ്മദ്‌ വട്ടപ്പാറ, ഷാഹിദ് ബിൻ മുഹമ്മദ്‌, ഷഹീദ് പരവക്കൽ, റാഷിദ്‌ തൊഴലിൽ,
മുൻസിപ്പൽ പഞ്ചായത്ത്‌ ഭാരവാഹികളായ ഇബ്രാഹിം കുട്ടി വട്ടപ്പാറ, അഷ്‌റഫ്‌ ബക്കർ, യാഹു പേർശ്ശനൂർ എന്നിവർ ആശംസ അർപ്പിച്ചു സംസാരിച്ചു. ഇരിമ്പിളിയം പഞ്ചായത്ത്‌ കെഎംസിസി യാത്രയയപ്പ് ഉപഹാരം റസാഖ് കല്ലായി, സലാം കരിമ്പിൽ, അബ്ദുൽ റഹ്മാൻ, അമീർ എന്നിവർ ചേർന്ന് നൽകി. വൈസ് പ്രസിഡന്റ്‌ മജീദ് ഹുദവി പ്രാർത്ഥനക്ക് നേതൃത്വം നൽകി. മണ്ഡലം ജനറൽ സെക്രട്ടറി അഷ്‌റഫ്‌ അലി പുതുക്കുടി സ്വാഗതവും ബഷീർ കമ്പാല നന്ദിയും പറഞ്ഞു.