വിവിധ ആവശ്യങ്ങളുന്നയിച്ച് കെ.പി.എസ്.ടി.എ കുറ്റിപ്പുറം ഉപജില്ലാകമ്മിറ്റി സംഘടിപ്പിച്ച ധർണ നടത്തി

കുറ്റിപ്പുറം: ഉച്ചഭക്ഷണത്തുക വർധിപ്പിക്കുക, നിയമനങ്ങൾ അംഗീകരിക്കുക തുടങ്ങിയ ആവശ്യങ്ങളുന്നയിച്ച് കെ.പി.എസ്.ടി.എ. കുറ്റിപ്പുറം ഉപജില്ലാകമ്മിറ്റി ബസ്‌സ്റ്റാൻഡ്‌ പരിസരത്ത് ധർണ നടത്തി. ബ്ലോക്ക് കോൺഗ്രസ് പ്രസിഡന്റ് അഡ്വ. മുജീബ് കൊളക്കാട് ഉദ്ഘാടനംചെയ്തു.

റവന്യൂ ജില്ലാ ട്രഷറർ കെ. ബിജു മുഖ്യപ്രഭാഷണം നടത്തി. സംസ്ഥാനസമിതി അംഗങ്ങളായ വി. ഷെഫീഖ്, എ.പി. നാരായണൻ, ബെന്നി തോമസ്, പ്രശാന്തിനി, ഷാഹുൽഹമീദ്, പാറക്കൽ ബഷീർ, രാമകൃഷ്ണൻ, പി. സലീം തുടങ്ങിയവർ പ്രസംഗിച്ചു. പുതിയ ഭാരവാഹികൾക്കുള്ള സ്വീകരണവും വിരമിക്കുന്നവർക്കുള്ള യാത്രയയപ്പും നടന്നു. സംസ്ഥാന പ്രസിഡന്റ് അബ്ദുൽമജീദ് ഉദ്ഘാടനംചെയ്തു. എ. കേശവൻ നമ്പീശൻ അധ്യക്ഷതവഹിച്ചു. റവന്യൂ ജില്ലാ പ്രസിഡന്റ് കെ.വി. മനോജ്കുമാർ മുഖ്യപ്രഭാഷണം നടത്തി.