തിരുന്നാവായ പഞ്ചായത്ത് ആർ.ആർ.ടി വളണ്ടിയർമാർക്ക് കെ.എസ്.ടി.യു സുരക്ഷാ കിറ്റുകൾ നൽകി

തിരുന്നാവായ: കേരള സ്ക്കൂൾ ടീച്ചേഴ്സ് യൂണിയൻ കരുതൽ സ്പർശം കാമ്പയിൻ്റെ ഭാഗമായി കുറ്റിപ്പുറം ഉപജില്ല കമ്മറ്റിയുടെ നേതൃത്വത്തിൽ തിരുന്നാവായ പഞ്ചായത്തിലെ ആർ.ആർ.ടി വളണ്ടിയർ മാർക്ക് സുരക്ഷാ കിറ്റുകൾ നൽകി. കെ.എസ്.ടി.യു ജില്ലാ സെക്രട്ടറി ടി.വി ജലീൽ ഗ്രാമ പഞ്ചായത്ത് പ്രസിഡൻ്റ് കൊട്ടാരത്ത് സുഹറാബിക്ക് കൈമാറി.

ഗ്രാമ പഞ്ചായത്ത് വൈസ് പ്രസിഡൻ്റ് കെ.ടി. മുസ്തഫ അധ്യക്ഷത വഹിച്ചു. കെ.എസ്.ടി.യു ജില്ലാ വൈസ് പ്രസിഡൻ്റ് ഇ.പി.എ. ലത്തീഫ് , തിരുർ വിദ്യാഭ്യാസ ജില്ലാ വൈസ് പ്രസിഡൻ്റ് യൂനുസ് മയ്യേരി, മുസ്ലീം ലീഗ് പഞ്ചായത്ത് വൈസ് പ്രസിഡൻ്റ് സൂർപ്പിൽ ബാവ ഹാജി, ആരോഗ്യ വിദ്യാഭ്യാസ സ്റ്റാറ്റിങ്ങ് കമ്മറ്റി ചെയർപേഴ്സൺ മാമ്പറ്റ ദേവയാനി, സെക്രട്ടറി ബി. ജയശ്രീ , സൽമാൻ കരിമ്പനക്കൽ എന്നിവർ പങ്കെടുത്തു.