പരീക്ഷകളിൽ മികച്ച വിജയം നേടിയ വിദ്യാർത്ഥികളെയും വിരമിച്ച അധ്യാപകരെയും ആദരിച്ച് കെ.പി.എസ്.ടി.എ. കുറ്റിപ്പുറം ഉപജില്ലാകമ്മിറ്റി

വളാഞ്ചേരി: കെ.പി.എസ്.ടി.എ. കുറ്റിപ്പുറം ഉപജില്ലാകമ്മിറ്റി കഴിഞ്ഞവർഷം വിരമിച്ച അധ്യാപകർക്കുള്ള ആദരവും ഈവർഷം എസ്.എസ്.എൽ.സി., പ്ലസ് ടു പരീക്ഷകളിൽ എ പ്ലസ് നേടിയ അധ്യാപകരുടെ മക്കൾക്കുള്ള അനുമോദനവും നടത്തി. ആബിദ്ഹുസൈൻ തങ്ങൾ എം.എൽ.എ. ഉദ്ഘാടനംചെയ്തു. കെ.ടി. സൻജീദ് അധ്യക്ഷതവഹിച്ചു. കെ.പി. അബ്ദുൽമജീദ്, കെ.എൽ. ഷാജു, മോഹനൻ, എ.പി. നാരായണൻ, വി.കെ. ഷഫീഖ്, ബെന്നി തോമസ്, കെ. ബിജു, പ്രശാന്തി എന്നിവർ പ്രസംഗിച്ചു.