കെ.പി.എസ്.ടി.എ. ഭാരവാഹികൾക്ക് സ്വീകരണം നൽകി

വളാഞ്ചേരി: കേരള പ്രദേശ് സ്‌കൂൾ ടീച്ചേഴ്‌സ് അസോസിയേഷൻ (കെ.പി.എസ്.ടി.എ.) സംസ്ഥാന ഭാരവാഹികൾക്ക് തിരൂർ റെയിൽവേ സ്റ്റേഷനിൽ സ്വീകരണംനൽകി. സംസ്ഥാന പ്രസിഡന്റായി തിരഞ്ഞെടുക്കപ്പെട്ട വി.കെ. അജിത്കുമാർ, സെക്രട്ടറി ടി. റോയ് എന്നിവർക്കാണ് സ്വീകരണം നൽകിയത്.

സംഘടനയുടെ തിരൂർ വിദ്യാഭ്യസജില്ലാ ഭാരവാഹികളും പ്രവർത്തകരും ചേർന്നാണ് സ്വീകരണമൊരുക്കിയത്. പൊതുയോഗത്തിൽ ജില്ലാപ്രസിഡന്റ് ടി.വി. രഘുനാഥ്, സെക്രട്ടറി ഷാജു, വൈസ് പ്രസിഡന്റുമാരായ വി.കെ. ഷഫീഖ്, പി. മോഹനൻ, സംസ്ഥാന എക്‌സിക്യുട്ടീവ് അംഗം കെ. മജീദ്, തിരൂർ വിദ്യാഭ്യാസജില്ലാ പ്രസിഡന്റ് എ.പി. നാരായണൻ, പ്രദീപ് എന്നിവർ പ്രസംഗിച്ചു.