കെ.ആർ.എം.യു തിരൂർ താലൂക്ക് കമ്മിറ്റി വളാഞ്ചേരിയിൽ ഇഫ്താറും സ്നേഹ സംഗമവും സംഘടിപ്പിച്ചു

വളാഞ്ചേരി: കെ.ആർ.എം.യു തിരൂർ താലൂക്ക് കമ്മിറ്റി വളാഞ്ചേരി നടക്കാവ് ഹോസ്പിറ്റൽ ഓഡിറ്റോറിയത്തിൽ വെച്ച് ഇഫ്താറും സ്നേഹ സംഗമവും സംഘടിപ്പിച്ചു. നാസർ ഇരിമ്പിളിയം ആമുഖ ഭാഷണം നടത്തി. ഹസ്ന യഹ് യ സ്വാഗതം പറഞ്ഞ ചടങ്ങിൽ നൂറുൽ ആബിദ് നാലകത്ത് അധ്യക്ഷനായി. നഗരസഭ ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു. യാത്രയയപ്പ് നൽകുന്ന അനീഷ് വലിയകുന്നിന് ഇരിമ്പിളിയം പഞ്ചായത്ത് വികസന സ്റ്റാൻ്റിങ് കമ്മിറ്റി ചെയർമാൻ വി.ടി അമീറും, മിനി ഗംഗാധരന് ഹാരിസ് ഡോക്ടറും മൊമെൻ്റോ നൽകി. പുതിയ മെമ്പർഷിപ്പ് വിതരണം നോവലിസ്റ്റ് മുനവ്വർ വളാഞ്ചേരിയെ അംഗമായി ചേർത്ത് ഡോക്ടർ റിയാസ് നിർവ്വഹിച്ചു. ഐ.ഡി കാർഡ് വിതണം വളാഞ്ചേരി പോലീസ് എസ്.എച്ച്.ഒ കബീർ പാണ്ടികശാലക്ക് നൽകി നിർവ്വഹിച്ചു. നടക്കാവിൽ ഹോസ്പിറ്റലുമായി സഹകരിച്ച് നടത്തുന്ന ഹെൽത്ത് കാർഡ് വിതണം നിസാർ പാലക്കലിന് നൽകി ഡോ: മുഹമ്മദാലി നിർവ്വഹിച്ചു. മുഹമ്മദ് അബദുറഹ്മാൻ, മുനവ്വർ വളാഞ്ചേരി, സുരേഷ് മാസ്റ്റർ, അസീസ്, റഫീഖ് മണി, മുബഷിറ ഫാറൂഖ് എന്നിവർ ആശംസകൾ അർപ്പിച്ചു. ലിയാഖത്ത്, ശിബിലി, അനിൽ, ബാസിത്ത്, എന്നിവർ നേതൃത്വം നൽകി.