പുനലൂർ-വഴിക്കടവ് സൂപ്പർഫാസ്റ്റ് സർവീസ് ആരംഭിച്ചു കെ.എസ്.ആർ.ടി.സി

നിലമ്പൂർ : പുനലൂർ കെ.എസ്.ആർ.ടി.സി. ഡിപ്പോയിൽനിന്ന് വഴിക്കടവിലേക്കുള്ള സൂപ്പർഫാസ്റ്റ് ബസ് സർവീസ് ആരംഭിച്ചു. പത്തനാപുരം, അടൂർ, തിരുവല്ല, ചങ്ങനാശ്ശേരി, കോട്ടയം, മൂവാറ്റുപുഴ, തൃശ്ശൂർ, ഷൊർണൂർ, പെരിന്തൽമണ്ണ, വണ്ടൂർ, നിലമ്പൂർ വഴിയാണ് ബസ് വഴിക്കടവിലെത്തുക. രാവിലെ 3.30-ന് പുനലൂരിൽ നിന്നും വൈകീട്ട് നാലിന് നിലമ്പൂരിൽ നിന്നും ബസ് പുറപ്പെടും.

പുനലൂരിൽ നിന്ന് രാവിലെ നാലിന് പെരിന്തൽമണ്ണയ്ക്ക് ഉണ്ടായിരുന്ന ബസാണ് ഇത്തരത്തിൽ സമയം പുനഃക്രമീകരിച്ചത്. online.keralartc.com എന്ന വെബ്‌സൈറ്റ് വഴി ടിക്കറ്റുകൾ ഓൺലൈൻ ആയി ബുക്ക് ചെയ്യാം.