കെ.എസ്.എസ്.പി.യു. എടയൂർ പഞ്ചായത്ത് സമ്മേളനം നടന്നു

എടയൂർ: സ്റ്റാറ്റ്യൂട്ടറി പെൻഷൻ പുനഃസ്ഥാപിക്കണമെന്നും പെൻഷൻകാരുടെ തടഞ്ഞുവെച്ച ആനുകൂല്യങ്ങൾ ഉടനെ വിതരണം ചെയ്യണമെന്നും കേരള സ്റ്റേറ്റ് സർവീസ് പെൻഷനേഴ്‌സ് യൂണിയൻ എടയൂർ പഞ്ചായത്ത് സമ്മേളനം പ്രമേയത്തിലൂടെ ആവശ്യപ്പെട്ടു. എടയൂർ ഗ്രാമീണ വായനശാല ഹാളിൽ യൂണിയൻ കുറ്റിപ്പുറം ബ്ലോക്ക് കമ്മിറ്റി സെക്രട്ടറി വി.കെ. ഹരിദാസ് ഉദ്ഘാടനം ചെയ്തു. പ്രസിഡന്റ് എ.എൻ. ലീല അധ്യക്ഷത വഹിച്ചു. ടി.ടി. അബ്ദുൽ ജബ്ബാർ റിപ്പോർട്ടും പി.വി. സുരേന്ദ്രൻ വരവുചെലവുകണക്കും അവതരിപ്പിച്ചു. കുളപ്പുറത്ത് മുഹമ്മദ്കുട്ടി, എം.എസ്. ശർമ, ഗംഗാധരൻ, സി.പി. മുസ്തഫ, വി.കെ. ജയരാജൻ എന്നിവർ പ്രസംഗിച്ചു. വളാഞ്ചേരിയിൽ നടക്കുന്ന ബ്ലോക്ക് സമ്മേളനം വിജയിപ്പിക്കാൻ യോഗം തീരുമാനിച്ചു. ഭാരവാഹികൾ: എ.എൻ. ലീല (പ്രസി.), ടി.ടി. അബ്ദുൽ ജബ്ബാർ (സെക്ര.), പി.വി. സുരേന്ദ്രൻ (ട്രഷ.). മുരളീദാസ് ഇരിമ്പിളിയം വരണാധികാരിയായി.