ജനുവരി 8 ന്റെ ദേശീയ പണിമുടക്ക് വിജയിപ്പിക്കുക-കെ.എസ്.ടി എ കുറ്റിപ്പുറം ഉപജില്ല സമ്മേളനം

വളാഞ്ചേരി: കേന്ദ്ര സർക്കാരിന്റെ ജന വിരുദ്ധ നയങ്ങൾക്കെതിരെ ജനുവരി 8 ന് നടക്കുന്ന ദേശീയ പണിമുടക്ക് വിജയിപ്പിക്കണമെന്ന് കെ.എസ്.ടി എ കുറ്റിപ്പുറം ഉപജില്ല സമ്മേളനം ആവശ്യപ്പെട്ടു. സമ്മേളനം കെ.എസ്.ടി.എ സംസ്ഥാന ട്രഷറർ ടി.വി. മദനമോഹനൻ ഉദ്ഘാടനം ചെയ്തു. സബ് ജില്ല പ്രസിഡന്റ് ഇ. സുനിൽ കുമാർ അദ്ധ്യക്ഷനായിരുന്നു. സി. ഷാനി രക്ത സാക്ഷി പ്രമേയവും ജി.സുനിത അനുശോചന പ്രമേയവും അവതരിപ്പിച്ചു. സബ് ജില്ല സെക്രട്ടറി പി.ഡി.സന്തോഷ് പ്രവർത്തന റിപ്പോർട്ടും ജില്ലാ എക്സിക്യുട്ടീവ് അംഗം യു.മുരളീധരൻ സംഘടന റിപ്പോർട്ടും കെ.സുന്ദരൻ വരവുചെലവു കണക്കും അവതരിപ്പിച്ചു.

സംസ്ഥാന കമ്മറ്റിയംഗങ്ങളായ പി.എം മോഹനൻ, ജി.വി.സുമ, പി.എ ഗോപാലകൃഷണൺ, ജില്ലാ എക്സിക്യുട്ടിവ് കമ്മറ്റിയംഗങ്ങളായ കെ.എൻ അജിത്കുമാർ, പി. രവി.കെ. സരിത, ജില്ല കമ്മറ്റിയംഗങ്ങളായ എ ഗീത, കെ. മുഹമദ് ഷരീഫ് എന്നിവർ പ്രസംഗിച്ചു. സ്വാഗത സംഘം ചെയർമാൻ എൻ.വേണുഗോപാൽ സ്വാഗതവും, കൺവീനർ എൻ.സദാനന്ദൻ നന്ദിയും പറഞ്ഞു. ഭാരവാഹികളായി ഇ.സുനിൽ കുമാർ (പ്രസിഡന്റ്), എസ്.അച്യുതൻ, ജി.സുനിത, ടി.ജി.മനോജ് (വൈ.പ്രസി), കെ.സുന്ദരൻ (സെക്രട്ടറി), സി ഷാനി, പി. ഡി സന്തോഷ്, വി.പി സുമേഷ് (ജോ: സെക്ര) പി പവിത്രൻ (ട്രഷറർ) എന്നിവരെ തെരെഞ്ഞെടുത്തു.