കുറുമ്പത്തൂർ അയ്യപ്പൻവിളക്ക് ആഘോഷിച്ചു

തിരുനാവായ : കുറുമ്പത്തൂർ അയ്യപ്പഭക്തസമിതി വില്ലേജ് ഓഫീസ് പരിസരത്ത് അയ്യപ്പൻവിളക്ക് നടത്തി. കുറുമ്പത്തൂർ എടശ്ശേരിക്കാവ് ഭഗവതി ക്ഷേത്രത്തിൽനിന്ന്‌ പാലക്കൊമ്പ് എഴുന്നള്ളിച്ചു. വൈലാശ്ശേരി അർജുനൻ ശാസ്താവിന്റെ തിടമ്പേറ്റി. കാവടിയാട്ടവും ഉണ്ടായി. നടുവട്ടം രാജൻ സ്വാമിയും സംഘവുമാണ് വിളക്ക് നിയന്ത്രിച്ചത്. സമൂഹസദ്യയിൽ നൂറുകണക്കിനുപേർ പങ്കാളികളായി. കുറുക്കോളി മൊയ്തീൻ എം.എൽ.എ., ജില്ലാ പഞ്ചായത്ത് പ്രസിഡന്റ് എം.പി. റഫീഖ, ജില്ലാ പഞ്ചായത്തംഗം മയ്യേരി നസീബ അസീസ്, കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് വസീമ വാളേരി, ആതവനാട് ഗ്രാമപ്പഞ്ചായത്ത് പ്രസിഡന്റ് ടി.പി.സി. നോബിയ, ഗ്രാമപ്പഞ്ചായത്തംഗങ്ങളായ പുളിക്കൽ നാസർ, മുഞ്ഞക്കൽ മുസ്തഫ, വിവിധ രാഷ്ട്രീയപാർട്ടി പ്രതിനിധികൾ എന്നിവർ പങ്കെടുത്തു.