പദ്ധതി നിർവഹണത്തിൽ കേരളത്തിൽ ‘നമ്പർ 1’: കുറ്റിപ്പുറം ബ്ലോക്കിന് ചരിത്ര നേട്ടം

കുറ്റിപ്പുറം: പദ്ധതി നിർവഹണത്തിൽ കുറ്റിപ്പുറം ബ്ലോക്ക് പഞ്ചായത്ത് കേരളത്തിൽ ഒന്നാമതെത്തി. ലഭ്യമായ പദ്ധതി വിഹിതത്തിൽ 81.8 3 ശതമാനം തുക വിനിയോഗിച്ചാണ് കുറ്റിപ്പുറം ബ്ലോക്ക് പഞ്ചായത്ത് ചരിത്ര നേട്ടം വരിച്ചത്. ട്രെഷറിയിലുള്ള ബില്ലുകൾ പേയ്‌മെന്റ് ആയിട്ടുണ്ടെങ്കിലും സൈറ്റിൽ എക്സ്പെൻറ്റീചേർ പൂർണ്ണമായും വന്നിട്ടില്ലന്നും ഈ കണക്ക് കൂടി കൂട്ടിയാൽ കുറ്റിപ്പുറം ബ്ലോക്ക്‌ പഞ്ചായത്ത്‌ 95 ശതമാനവും കടക്കുമെന്ന് പ്രസിഡന്റ് വസീമ വേളേരി പറഞ്ഞു. പ്രതികൂലമായ ഒട്ടനവധി സാഹചര്യങ്ങൾ ഉണ്ടായിരുന്നിട്ടും അതിനെയെല്ലാം മറികടന്നു കൊണ്ടാണ് ഇങ്ങനെ ഒരു നേട്ടം കൈവരിക്കാനായതെന്നും പ്രസിഡണ്ട് വസീമ വേളേരി അറിയിച്ചു. ഇത്തരമൊരു നേട്ടം കൈവരിക്കാൻ സഹായിച്ച ഭരണസമിതി അംഗങ്ങളോടും നിർവഹണ ഉദ്യോഗസ്ഥരോടും മറ്റു ജീവനക്കാരോടും പ്രസിഡന്റെ പ്രത്യേകമായ നന്ദി രേഖപ്പെടുത്തി.