തന്റെ ഡിവിഷനിൽ നിന്നും എസ്.എസ്.എൽ.സി, പ്ലസ്ടു പരീക്ഷകളിൽ ഉന്നതവിജയം നേടിയ വിദ്യാർഥികളെ ആദരിച്ചു കുറ്റിപ്പുറം ബ്ലോക്ക് പഞ്ചായത്തംഗം പി.സി.എ. നൂർ

ഇരിമ്പിളിയം: തന്റെ ഡിവിഷനിൽനിന്നും എസ്.എസ്.എൽ.സി, പ്ലസ്ടു പരീക്ഷകളിൽ ഉന്നതവിജയം നേടിയ വിദ്യാർഥികളെ വെണ്ടല്ലൂർ ഡിവിഷനിൽനിന്നുള്ള ബ്ലോക്ക് പഞ്ചായത്തംഗം പി.സി.എ. നൂർ ആദരിച്ചു. കോട്ടപ്പുറം എൽ.പി. സ്കൂൾ ഹാളിൽ എ.പി. അനിൽകുമാർ എം.എൽ.എ. ഉദ്ഘാടനംചെയ്തു. ഇരിമ്പിളിയം ഗ്രാമപ്പഞ്ചായത്ത് പ്രസിഡന്റ് കെ. മാനുപ്പ അധ്യക്ഷത വഹിച്ചു. ബ്ലോക്ക് പ്രസിഡന്റ് വസീമ വേളേരി മുഖ്യാതിഥിയായി.

പി.സി.എ. നൂർ, ഗ്രാമപ്പഞ്ചായത്ത് വൈസ് പ്രസിഡന്റ് കെ.ടി. ഉമ്മുകുൽസു, സ്ഥിരംസമിതി അധ്യക്ഷൻ എൻ. മുഹമ്മദ്, പി.ടി. ഷഹനാസ്, സൈഫുന്നീസ, ജംഷീന, കെ.ടി. മൊയ്തു, പി. അബ്ദുറഹ്‌മാൻ, കെ. മുരളീധരൻ, മുഹമ്മദ് പാറയിൽ എന്നിവർ പ്രസംഗിച്ചു.