വിവിധ മേഖലകളിൽ മികവ് തെളിയിച്ചവരെ ആദരിച്ചു കുറ്റിപ്പുറം പഞ്ചായത്ത്

കുറ്റിപ്പുറം ബ്ലോക്ക് പഞ്ചായത്ത് 2021- 22 സാമ്പത്തിക വർഷത്തിൽ വിവിധ മേഖലകളിൽ മികവ് തെളിയിച്ചവരെ ആധരിച്ചു . തിരൂർ നിയോജക മണ്ഡലം എം.എൽ.എ. ശ്രീ. കുറുക്കോളി മൊയ്തീൻ ഉദ്ഘാടനം നിർവ്വഹിച്ച ചടങ്ങിന് കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ശ്രീമതി വസീമ വേളേരി അദ്ധ്യക്ഷത വഹിച്ചു. വൈസ് പ്രസിഡന്റ് ശ്രീ ആസാദ് അലി സ്വാഗതം പറഞ്ഞു. മഹാത്‌മാഗാന്ധി ദേശീയ ഗ്രാമീണ തൊഴിലുറപ്പു പദ്ധതിയിൽ 2021 – 22 വർഷത്തിൽ ഏറ്റവും മികച്ച പഞ്ചായത്തായി മാറാക്കര ഗ്രാമ പഞ്ചായത്ത് അവാർഡ് ഏറ്റുവാങ്ങി.

മാറാക്കര പഞ്ചായത്ത് തൊഴിലുറപ്പു പദ്ധതി ജീവനക്കാർ, മികച്ച മേറ്റുമാർ, 100 ദിവസം പൂർത്തീകരിച്ച ആദ്യ തൊഴിലാളി, പ്രായം ചെന്ന തൊഴിലാളി,6 ഗ്രാമ പഞ്ചായത്തുകളിലെയും , മികച്ച കർഷൻ, യുവ കർഷകൻ, വനിത കർഷക, വി. ഇ ഒ മാർ, ദേശീയ സമ്പാദ്യ പദ്ധതി ഏജന്റുമാർ,ഇന്ത്യ ബുക്ക് ഓഫ് റെക്കോർഡ് ജേതാക്കളായ മുബിൻ ഫൗസാൻ,മുഹമ്മദ് അസ്‌കർ എന്നിവരെ ആദരിച്ചു. ചടങ്ങിന് എടയൂർ ഗ്രാമ പഞ്ചായത്ത് പ്രസിഡണ്ട് ശ്രീമതി ഹസീന , ഇരുമ്പിളിയം പഞ്ചായത്ത് പ്രസിഡന്റ് മാനുപ്പ മാസ്റ്റർ , കുറ്റിപ്പുറം പഞ്ചായത്ത് പ്രസിഡന്റ് ഫസീന , കൽപകഞ്ചേരി പഞ്ചായത്ത് പ്രസിഡന്റ് ശ്രീമതി വഹീദ , മാറാക്കര പഞ്ചായത്ത് പ്രസിഡന്റ് ശ്രീമതി സജ്ന ടീച്ചർ , ജില്ല പഞ്ചായത്ത് മെമ്പർമാരായ ബഷീർ രണ്ടത്താണി,സബാഹ്. ബ്ലോക്ക് സ്റ്റാന്റിംഗ് കമ്മിറ്റി ചെയർമാൻമാരായ ഒ.കെ സുബൈർ, ആയിഷ,റിംഷാനി ,മെമ്പർമാരായ മൻസൂർ,പി.സി.എ നൂർ, ബുഷറ , ഫർസാന,സാബിറ എന്നിവർ ആശംസകൾ അർപ്പിച്ചു. ജോയിന്റ് ബി.ഡി.ഒ ഷിൽജി റിപ്പോർട്ട് അവതരിപ്പിച്ചു. ബി.ഡി.ഒ ഹരിദാസ് നന്ദി പറഞ്ഞു