കുറ്റിപ്പുറം ഉപജില്ലാ കലോത്സവം വളാഞ്ചേരി ഗേൾസ് എച്ച്.എസ്.എസിൽ

വളാഞ്ചേരി: നവംബർ നാല്. അഞ്ച്, ആറ് തീയതികളിൽ വളാഞ്ചേരി ഗേൾസ് ഹയർസെക്കൻഡറി സ്‌കൂളിൽ നടക്കുന്ന കുറ്റിപ്പുറം ഉപജില്ലാ സ്കൂൾ കലോത്സവത്തിനുള്ള സ്വാഗതസംഘം രൂപവത്കരിച്ചു.

പൂർവവിദ്യാർഥി ഷോബിൻ വെണ്ടല്ലൂർ തയ്യാറാക്കിയ ലോഗോ നഗരസഭാധ്യക്ഷ സി.കെ. റുഫീനയും ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടിയും ചേർന്ന് കുറ്റിപ്പുറം ഉപജില്ലാ വിദ്യാഭ്യാസ ഓഫീസർ കെ. ഗീതാലക്ഷ്മിക്ക് നൽകി പുറത്തിറക്കി. കൗൺസിലർമാരായ സി. അബ്ദുൾനാസർ, ഷഫീന ചെങ്കുണ്ടൻ, പ്രിൻസിപ്പൽ എം. മോഹൻദാസ്, ബി.പി.ഒ. പി.എ. ഗോപാലകൃഷ്ണൻ, പി.ടി.എ. പ്രസിഡന്റുമാരായ കുഞ്ഞാവ വാവാസ്, പി.ടി. സുധാകരൻ, ഹെഡ്മാസ്റ്റേഴ്‌സ് ഫോറം സെക്രട്ടറി വി.പി. അബ്ദുറഹ്മാൻ, ടി.വി. ഷീല തുടങ്ങിയവർ പ്രസംഗിച്ചു. കുറ്റിപ്പുറം ബ്ലോക്ക് പ്രസിഡന്റ് ആതവനാട് മുഹമ്മദ്കുട്ടി മുഖ്യാതിഥിയായി. പതിമൂന്ന് ഉപസമിതികളും രൂപവത്ക്കരിച്ചു.

സ്വാഗതസംഘം ഭാരവാഹികൾ: നഗരസഭാധ്യക്ഷ സി.കെ. റുഫീന(ചെയർ.), പ്രിൻസിപ്പൽ എം. മോഹൻദാസ്(ജന. കൺ), എ.ഇ.ഒ. ഗീതാലക്ഷ്മി(ട്രഷ).