ഇച്ഛാ ശക്തി കൊണ്ട് വൈകല്യത്തെ തോൽപ്പിച്ച് സുബ്രമണ്യൻ

മലപ്പുറം: തമിഴ് നാട്ടിൽ നിന്നും ജീവിതം പച്ചപിടിപ്പിക്കാൻ കേരളത്തിലെത്തിയ അനേകം തൊഴിലാളികളിലൊരാളായിരുന്നു തമിഴ് നാട് തഞ്ചാവൂർ സ്വദേശി സുബ്രഹ്മണ്യൻ. എന്നാൽ രണ്ടു പതിറ്റാണ്ടുകൾക്ക് മുൻപ് രാമനാട്ടുകാരയിലുണ്ടായ ഒരു ലോറി അപകടത്തിൽ ഒരുകാൽ നഷ്ടമായതോടെ ജീവിത പാതക്ക് മുന്നിൽ പകച്ചു നിന്ന സുബ്രഹ്മണ്യൻ ഇച്ഛാ ശക്തി ഒന്ന് കൊണ്ട് മാത്രമാണ് വീണ്ടും തൻറെയും കുടുംബത്തിന്റെയും പ്രാരാബ്ധങ്ങൾക്ക് അത്താണിയാവാൻ തൊഴിൽ മേഖലയിലേക്ക് തിരിച്ചു വന്നത്.

1977 ൽ കേരളത്തിലെത്തിയ ഇദ്ദേഹം കാൽ നഷ്ടമായതോടെ ലോറിയിലെ ജോലി ഉപേക്ഷിച്ചു മറ്റു മേഖലയിലേക്ക് തിരിയുകയായിരുന്നു തൻറെ കുടുംബത്തിൻറെ പട്ടിണി മാറ്റാൻ മറ്റുള്ളവരുടെ മുന്നിൽ കൈനീട്ടാതെ വിവിധ കരാർ ജോലികളിൽ ഏർപ്പെടുന്ന ഇദ്ദേഹം ഒന്ന് രണ്ടു വർഷം മുൻപ് പുലാമന്തോൾ ടൗണിലും ടെലിഫോൺ കേബിളിനായി കുഴിയെടുക്കുന്ന ജോലിക്കായി എത്തിയിരുന്നു .അപകടത്തിൽ പെട്ട് കാൽ നഷ്ടമായിട്ടും ആത്മാർത്ഥമായി ജോലിചെയ്യുന്ന സുബ്രഹ്മണ്യൻ പുതുതലമുറക്ക് ഒരത്ഭുതം തന്നെയാണ്.