മലപ്പുറത്ത് മറിഞ്ഞ ഓട്ടോയിൽ നിന്ന് തെറിച്ച് വീണ യുവതി മറ്റൊരു വാഹനം കയറി മരിച്ചു

മലപ്പുറം: മലപ്പുറം കാവുങ്ങലിൽ ഓട്ടോ മറിഞ്ഞ് യുവതി മരിച്ചു. ഹാജിയാർപള്ളി സ്വദേശി അന്നങ്ങാടൻ ഹനീഫയുടെ ഭാര്യ ഡാനിയ മുംതാസ് ആണ് മരിച്ചത്. കാവുങ്ങൽ ബൈപാസിൽ വച്ച് ഇന്ന് ഉച്ചയോടെയാണ് അപകടമുണ്ടായത്. മക്കളോടൊപ്പം ഓട്ടോയിൽ യാത്ര ചെയ്യുന്നതിനിടെ ഓട്ടോ മറിയുകയും ഡാനിയ റോഡിൽ വീഴുകയും ആയിരുന്നു. റോഡിൽ വീണ യുവതിയുടെ ശരീരത്തിലൂടെ മറ്റൊരു വാഹനം കയറിയിറങ്ങുകയായൊരുന്നു. യുവതി തൽക്ഷണം മരിച്ചു. അപകടത്തിൽ മക്കൾ പരിക്കേൽക്കാതെ രക്ഷപ്പെട്ടു.