കാടാമ്പുഴ ഭഗവതി ക്ഷേത്രത്തിലെ ഋഗ്വേദ ലക്ഷാർച്ചന സമാപിച്ചു

മാറാക്കര: കാടാമ്പുഴ ഭഗവതി ക്ഷേത്രത്തിൽ ജനുവരി ഒന്നുമുതൽ ആരംഭിച്ച ഋഗ്വേദ ലക്ഷാർച്ചന ബുധനാഴ്ച രാവിലെ എട്ടിന് കലശാഭിഷേകത്തോടെ സമാപിച്ചു. വൈകിട്ട് ആറുമുതൽ ഒറ്റപ്പാലം ശിവരഞ്ജിനി നൃത്ത കലാലയം അവതരിപ്പിച്ച നൃത്തനൃത്യങ്ങളും വടക്കാഞ്ചേരി നൃത്താഞ്ജലി ഡാൻസ് അക്കാദമിയിലെ നട്ടുവാങ്ക കലൈമണി കെ വനിതാവാസനും സംഘവും അവതരിപ്പിച്ച നൃത്തമാലികയും അരങ്ങേറി.