എൻ.എ. മുഹമ്മദ്കുട്ടി മാറാക്കരയിൽ രണ്ടംഘട്ട പ്രചാരണം നടത്തി

മാറാക്കര: കോട്ടയ്ക്കൽ മണ്ഡലം എൽ.ഡി.എഫ് സ്ഥാനാർഥി എൻ.എ. മുഹമ്മദ്കുട്ടിയുടെ രണ്ടംഘട്ട പര്യടനം മാറാക്കരയിൽ നടത്തി. പൂവൻചിനയിൽ നിന്നാരംഭിച്ച് കാവൽപ്പീടിക, ചേലക്കുത്ത് കണ്ടേങ്ങൽ, വട്ടപ്പറമ്പ്, എ.സി. നിരപ്പ്, മുഴങ്ങാണി, പിലാത്തറ തുടങ്ങിയ പ്രദേശങ്ങളിൽ രാവിലെ സന്ദർശനം നടത്തി. മുതിരപ്പറമ്പ്, പറപ്പൂർ, വട്ടപ്പറമ്പ്, മരവട്ടം, പത്തായക്കല്ല്, മേൽമുറി, കാടാമ്പുഴ, കൂട്ടാടമ്മൽ തുടങ്ങിയ സ്ഥലങ്ങളിൽ ഉച്ചയ്ക്കുശേഷവുമായിരുന്നു പര്യടനം.

സ്വീകരണയോഗങ്ങളിൽ കെ.പി. രമേഷ്, കെ.പി. നാരായണൻ, അഡ്വ. പി. ജാബിർ, റഷീദ് മുഴങ്ങാണി, ഗഫൂർ ചീനിക്കുഴിയിൽ, ടി.പി. ഹസീബ്, കെ.പി. അനീസ്, റഷീദ് വട്ടപ്പറമ്പിൽ, മുഹമ്മദ്കുട്ടി തുടങ്ങിയവർ പ്രസംഗിച്ചു. വൈകുന്നേരം കരേക്കാട് നോർത്തിൽ സമാപനസമ്മേളവുമുണ്ടായി.