കുറ്റിപ്പുറം പഞ്ചായത്തിൽ എൽ. ഡി. എഫ് പ്രകടനപത്രിക പുറത്തിറക്കി

കുറ്റിപ്പുറം: സർക്കാറിൻ്റെ വികസന നേട്ടങ്ങൾ എണ്ണിപ്പറഞ്ഞ് വോട്ടു ചോദിക്കാൻ എൽഡിഎഫിന് കഴിയുമെന്ന് മന്ത്രി ടി പി രാമകൃഷ്ണൻ പറഞ്ഞു. കുറ്റിപ്പുറത്ത് എൽ ഡി എഫ് പ്രകടനപത്രിക പ്രകാശനം ചെയ്ത് സംസാരിക്കുകയായിരുന്നു മന്ത്രി. സംസ്ഥാനത്ത് ആരും പട്ടിണി കിടക്കുന്നില്ല എന്ന് സർക്കാറിന് ഉറപ്പ് വരുത്താൻ കഴിഞ്ഞത് അഭിമാനാർഹമായ നേട്ടമാണ് എന്നും ഇത് ഇന്ത്യയിൽ അതുല്യ മാതൃകയാണെന്നും മന്ത്രി പറഞ്ഞു വി അരവിന്ദാക്ഷൻ മാസ്റ്റർ അധ്യക്ഷനായി :എൻ മുഹമ്മദ് കുട്ടി, വി പി സക്കറിയ, കെ പി ശങ്കരൻ ,കെ രാമദാസ്, വി കെ രാജീവ്, റഷീദ് വട്ടപ്പറമ്പൻ, സി കെ ജയകുമാർ സംസാരിച്ചു