ലെൻസ്ഫെഡ് സ്ഥാപക ദിനം: സീനിയർ എഞ്ചിനീയർമാരെ ആദരിച്ചു

വളാഞ്ചേരി: ലൈസൻസ്ഡ് എഞ്ചിനീയേഴ്‌സ് & സൂപ്പർവൈസേഴ്സ് ഫെഡറേഷൻ
[ലെൻസ്ഫെഡ്] സ്ഥാപക ദിനാഘോഷം സംസ്ഥാനത്തൊട്ടുക്കും ജനുവരി 23 ന് നടന്നു. ഇതിൻ്റെ ഭാഗമായി ലെൻസ്ഫെഡ് വളാഞ്ചേരി ഏരിയ കമ്മറ്റി സീനിയർ മെമ്പർമാരെ ആദരിച്ചു. ലെൻസ്ഫെഡിലെ സീനിയർ മെമ്പർമാരായ കെ.ടി. സെയ്ത് മുഹമ്മദ്, കെ ഹമീദ്, അബ്ദുൽ ബാരി സി.വി എന്നിവരെയും കുറ്റിപ്പുറം ഗ്രാമ പഞ്ചായത്തിലേക്ക് തെരെഞ്ഞെടുക്കപ്പെട്ട മെമ്പർ വി.പി.മുഹമ്മദ് അഷ്റഫലിയെയുമാണ് മൊമൻ്റോ നൽകിയും പൊന്നാട അണിയിച്ചും ആദരിച്ചത്.

ചടങ്ങിൽ ലെൻസ്ഫെഡ് ഏരിയ പ്രസിഡണ്ട് ഹൈദർ പി, സെക്രട്ടറി ശ്രീജിത്ത് പി.എം, സംസ്ഥാന കമ്മറ്റിയംഗം ബാബു എടയൂർ, ജില്ലാ കമ്മറ്റിയംഗങ്ങളായ പി.പി സോമസുന്ദരൻ, എക്സ്ക്യൂട്ടീവ് അംഗങ്ങളായ താജുദ്ധീൻ പി.പി, ശിവപ്രകാശ്. പി, ഹമീദ് വി.പി, കെ മൊയ്തുട്ടി, സൈനുൽ ആബിദ് ടി.ടി, അജീഷ് പട്ടേരി, ഫിറോസ് എൻ.ടി, റഷീദ് തുടങ്ങിയവർ സംബന്ധിച്ചു.