വട്ടപ്പാറ അടിയിൽ പാചകവാതക ടാങ്കർ മറിഞ്ഞ്‌ അപകടം
വളാഞ്ചേരി: വട്ടപ്പാറ അടിയിൽ പാചകവാതക ബുള്ളറ്റ് ടാങ്കർ പാതയോരത്തേക്കു നിയന്ത്രണംവിട്ടു ചെരിഞ്ഞു. 
ഡ്രൈവർ പരുക്കുകളില്ലാതെ രക്ഷപ്പെട്ടു. പാചകവാതകം ചോരാതിരുന്നതിനാൽ ദുരന്തം ഒഴിവായി. രാവിലെ 10.30ന് ആണ് സംഭവം. ചേളാരിയിൽനിന്നു കൊച്ചിയിലേക്കു പാചകവാതകം നിറച്ചു പോകുകയായിരുന്ന ടാങ്കർ, വട്ടപ്പാറ വളവും കഴിഞ്ഞ് താഴെ ദേശീയപാതയിലെ വേഗത്തടയിൽ നിയന്ത്രണംവിട്ടു പാതയോരത്തെ ചതുപ്പിലേക്കു ചെരിയുകയായിരുന്നു. നാട്ടുകാർ ചേർന്നു രക്ഷാപ്രവർത്തനം നടത്തി. വളാഞ്ചേരി പൊലീസും സ്ഥലത്തെത്തി. ഐഒസി ഉദ്യോഗസ്ഥരും തിരൂരിൽനിന്ന് അഗ്നിശമനസേനയും എത്തിയിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
