സി.പി.ഐ.എം ആതവനാട് ലോക്കൽ കമ്മിറ്റിയുടെ നേതൃത്വത്തിൽ മാസ്ക് വിതരണ ക്യാമ്പയിൻ സംഘടിപ്പിച്ചു

ആതവനാട്: സിപിഐഎം ആതവനാട് ലോക്കൽ കമ്മിറ്റി സംഘടിപ്പിക്കുന്ന മാസ്ക് വിതരണ ക്യാമ്പയിന്റെ ഭാഗമായി സിപിഐഎം കഞ്ഞിപ്പുര ബ്രാഞ്ചിന്റെ നേതൃത്വത്തിൽ കഞ്ഞിപ്പുര അങ്ങാടിയിൽ വെച്ച് മാസ്ക്കുകൾ വിതരണം ചെയ്തു. വിതരണ ഉത്ഘാടനം സിപിഐഎം ആതവനാട് ലോക്കൽ സെക്രട്ടറി എ മമ്മു മാസ്റ്റർ നിർവഹിച്ചു. കേരള വ്യാപാരി വ്യവസായി ഏകോപന സമിതി കഞ്ഞിപ്പുര യൂണിറ്റ് പ്രസിഡന്റ്‌ ടി കെ സൈനുദ്ധീൻ ഹാജി, സെക്രട്ടറി കെ കെ അബ്ദുൽ ഷുക്കൂർ എന്നിവർ മാസ്‌ക്കുകൾ ഏറ്റുവാങ്ങി. ചടങ്ങിൽ സിപിഐഎം ലോക്കൽ കമ്മിറ്റി അംഗം സി രാജേഷ്, ബ്രാഞ്ച് സെക്രട്ടറി കെ പി നൗഷാദ്, കെ ടി അലി, വി കുഞ്ഞീതു ഹാജി, എം പി ഇർഷാദ്, വി മുഹമ്മദ്‌ അഷറഫ്, യുസുഫ് നെല്ലിയാളി എന്നിവർ ചടങ്ങിൽ പങ്കെടുത്തു.അങ്ങാടിയിലെ എല്ലാ വ്യാപാരികൾക്കും നാട്ടുകാർക്കും സിപിഐഎം പ്രവർത്തകർ മാസ്‌ക്കുകൾ വിതരണം ചെയ്തു.