Local guys spoil a theft attempt at a jewellery in Kuttippuram
ആഭരണങ്ങള്‍ വാങ്ങാനെന്ന വ്യാജേനയെത്തിയ യുവാവ് സ്വര്‍ണവളയുമായി ജ്വല്ലറിയില്‍നിന്ന് ഇറങ്ങിയോടി. നാട്ടുകാരുടെ സഹായത്തോടെ പിടികൂടിയ യുവാവിനെ പോലീസ് അറസ്റ്റുചെയ്തു.
എരമംഗലം തെക്കെമാല്‍വീട്ടില്‍ ഹുസൈന്‍(35)ആണ് അറസ്റ്റിലായത്. വെള്ളിയാഴ്ച രാവിലെ 10-ഓടെയായിരുന്നു സംഭവം. കുറ്റിപ്പുറം ടൗണിനടുത്തുള്ള ജ്വല്ലറിയിലെത്തിയ ഇയാള്‍ മോതിരം വേണമെന്നാവശ്യപ്പെട്ടു. എന്നാല്‍, മോതിരമില്ലെന്ന് അറിയിച്ചതോടെ ഒരു പവന്റെ വള വേണമെന്നായി. ഉടമ ബില്ലെഴുതുന്നതിനിടെ വളയുമായി ഓടിരക്ഷപ്പെടുകയായിരുന്നു.
ടൗണിലുണ്ടായിരുന്ന നാട്ടുകാരുടെയും ഡ്രൈവറുടെയും സഹായത്തോടെ യുവാവിനെ വണ്‍വെ റോഡിന് സമീപത്തുവെച്ച് പിടികൂടുകയായിരുന്നു. പൊന്നാനി, ചാവക്കാട് സ്റ്റേഷനുകളില്‍ ഇയാള്‍ക്കെതിരെ സമാനസ്വഭാവമുള്ള കേസുകള്‍ നിലവിലുണ്ടെന്ന് എസ്.ഐ രാജ്‌മോഹന്‍ പറഞ്ഞു.
Summary: Local guys spoiled an attempt to thief in Valanchery
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
