കോ-ഓപ്പറേറ്റീവ് കോളേജസ് ഇൻറർസോൺ കലോത്സവം; ലോഗോ പുറത്തിറക്കി

കാലിക്കറ്റ് യൂണിവേഴ്സിറ്റി കോ-ഓപ്പറേറ്റീവ് കോളേജസ് ഇൻറർസോൺ കലോത്സവം മാർച്ച് 2,3 തീയതികളിൽ വളാഞ്ചേരിയിൽ വെച്ചു നടക്കുന്നു. സ്റ്റേജിതരമത്സരങ്ങൾ ഫെബ്രുവരി 22, 23 തീയതികളിൽ നടക്കു൦. പ്രശസ്ത ആർട്ടിസ്റ്റ് സി. പി. മോഹനൻ രൂപകല്പന ചെയ്ത ലോഗോയും ‘ആരവം’ എന്ന പേരു൦ ഉന്നത വിദ്യാഭ്യാസ മന്ത്രി ഡോ കെ.ടി ജലീൽ കോ-ഓപ്പറേറ്റീവ് കോളേജസ് അസോസിയേഷൻ സംസ്ഥാന പ്രസിഡന്റ് എ൦. അബ്ദുൽ കരീം മാസ്റ്റർക്ക് നല്കി പ്രകാശന൦ നടത്തി.

സ്വാഗതസംഘം ജനറൽ കൺവീനർ സി സനൂപ്, കോ-ഓപ്പറേറ്റീവ് കോളേജസ് അസോസിയേഷൻ സംസ്ഥാന സെക്രട്ടറി മജീദ് ഇല്ലിക്കൽ, വളാഞ്ചേരി കോ-ഓപ്പറേറ്റീവ് കോളേജ് പ്രിൻസിപ്പൽ പ്രൊഫസർ പി.പി നാരായണൻ, കോ-ഓപ്പറേറ്റീവ് കോളേജ് ഡയറക്ടർ അസിൽ മുഹമ്മദ് പറശ്ശേരി, മുഹമ്മദ് ജുനൈദ് പടിയത്ത്, നാസർ കൊട്ടാരം എന്നിവർ ലോഗോ പ്രകാശന ചടങ്ങിൽ പങ്കെടുത്ത് സംസാരിച്ചു. ആരവം കോ-ഓപ്പറേറ്റീവ് കോളേജസ് ഇൻറർസോൺ കലോത്സവം 2019 വിദ്യാർത്ഥികൾക്കും മലബാർ മേഖലയ്ക്കും പുതിയ അനുഭവമായിരിയ്ക്കുമെന്ന് മന്ത്രി ഡോ: കെ. ടി. ജലീൽ പറഞ്ഞു.