മലബാർ ദേവസ്വം ബോർഡ് മലപ്പുറം ഏരിയാ കമ്മിറ്റി അംഗങ്ങൾ സത്യപ്രതിജ്ഞ ചെയ്തു

തിരുനാവായ : മലബാർ ദേവസ്വംബോർഡ് പുതുതായി രൂപവത്‌കരിച്ച മലപ്പുറം ഏരിയാകമ്മിറ്റിയിലെ അംഗങ്ങളുടെ സത്യപ്രതിജ്ഞ തിരുനാവായ നാവാമുകുന്ദ ദേവസ്വം സത്രം ഹാളിൽ നടന്നു. മുൻ ചെയർമാൻ യു.പി. പുരുഷോത്തമൻ അധ്യക്ഷതവഹിച്ചു. ദേവസ്വംബോർഡ്‌ അംഗം രാധ മാമ്പറ്റ ഉദ്ഘാടനം ചെയ്തു.

ചെയർമാനായി തിരഞ്ഞെടുത്ത ഒ.കെ. ബേബി ശങ്കറിന് അസി. കമ്മീഷണർ സി. വിനോദ്‌കുമാർ സത്യവാചകം ചൊല്ലിക്കൊടുത്തു. തുടർന്ന് ചെയർമാൻ ബേബി ശങ്കർ അംഗങ്ങളായ കെ.പി. പവിത്രൻ, കെ.ടി. പ്രേമലത, ഡോ. ശശിധരൻ ക്ലാരി, ആർ. ജയകുമാർ, കെ. നാരായണൻ, എം.എ. അജയകുമാർ എന്നിവർക്ക് സത്യവാചകം ചൊല്ലിക്കൊടുത്തു. മലപ്പുറം, തൃശ്ശൂർ, പാലക്കാട് ജില്ലകളിലുൾപ്പെടുന്ന നാനൂറോളം ക്ഷേത്രങ്ങൾ മലപ്പുറം ഏരിയാകമ്മിറ്റിക്കു കീഴിലുണ്ട്. രാമൻകുട്ടി മേനോൻ, ജനാർദ്ദനൻ പേരാമ്പ്ര, കെ. പരമേശ്വരൻ ആതവനാട്, സി. വിനോദ്‌കുമാർ, ജൂനിയർ സൂപ്രണ്ട് കെ.കെ. പ്രമോദ്കുമാർ എന്നിവർ പ്രസംഗിച്ചു.