മാമാങ്ക മഹോത്സവം ജനുവരി 20, 21, 22 തീയതികളിൽ

തിരുനാവായ: മാമാങ്കോത്സവം 2022 ജനുവരി 20, 21, 22 തീയതികളിൽ നടത്താൻ മാമാങ്കം മെമ്മോറിയൽ ട്രസ്റ്റും റീ എക്കൗയും തീരുമാനിച്ചു. അങ്കവാൾ പ്രയാണം, സ്മൃതിദീപം തെളിക്കൽ, ദേശീയ ചരിത്രസെമിനാർ, പ്രദർശനങ്ങൾ, കളരിപ്രദർശനം, കലാപരിപാടികൾ, ജാലകക്കാഴ്ച എന്നിവ സംഘടിപ്പിക്കും. ആഴ്‌വാഞ്ചേരി തമ്പ്രാക്കൾ മുഖ്യരക്ഷാധികാരിയായി കമ്മിറ്റി രൂപവത്കരിച്ചു. യോഗത്തിൽ റീ എക്കൗ പ്രസിഡന്റ് സി. കിളർ അധ്യക്ഷത വഹിച്ചു. എം. സാദിക്ക് ഉദ്ഘാടനംചെയ്തു. സതീശൻ കളിച്ചാത്ത്, ഇ.പി. സലിം, ഹനീഫ കരിമ്പനക്കൽ എന്നിവർ സംസാരിച്ചു.