മമ്പുറം ആണ്ടുനേർച്ച ഓഗസ്റ്റ് 10 മുതൽ 17-വരെ

തിരൂരങ്ങാടി : മമ്പുറം ഖുത്‌ബുസ്സമാൻ സയ്യിദ് അലവി മൗലദ്ദവീല തങ്ങളുടെ 183-ാമത് ആണ്ടുനേർച്ച ഓഗസ്റ്റ് പത്തുമുതൽ 17-വരെ നടക്കും. മഖാം സിയാറത്ത്, കൊടിയേറ്റം, മതപ്രഭാഷണങ്ങൾ, പ്രാർത്ഥനാസമ്മേളനം, മൗലീദ് സദസ്സ് തുടങ്ങിയ ചടങ്ങുകൾ ഉണ്ടാകും. കോവിഡ് മാനദണ്ഡങ്ങളോടെയായിരിക്കും ഇവ നടക്കുക. ചടങ്ങുകൾ തത്സമയം പ്രക്ഷേപണംചെയ്യാനും തീരുമാനിച്ചു. യോഗത്തിൽ സയ്യിദ് മുഹമ്മദ് കോയ തങ്ങൾ ജമലുല്ലൈലി അധ്യക്ഷനായി. ഡോ. ബഹാഉദ്ദീൻ മുഹമ്മദ് നദ്വി, യു. ശാഫി ഹാജി, ത്വയ്യിബ് ഫൈസി, ഡോ. യു.വി.കെ. മുഹമ്മദ്, കെ.എം. സൈദലവി ഹാജി തുടങ്ങിയവർ പങ്കെടുത്തു.