കല്യാണമണ്ഡപങ്ങളില്‍നിന്ന് സ്വര്‍ണാഭരണം മോഷ്ടിക്കുന്നയാള്‍ പിടിയില്‍
വളാഞ്ചേരി: കല്യാണമണ്ഡപങ്ങളിലെത്തി കുട്ടികളുടെ സ്വര്‍ണാഭരണങ്ങള്‍ മോഷ്ടിക്കുന്നയാളെ നാട്ടുകാര്‍ പിടികൂടി പോലീസിലേല്‍പ്പിച്ചു. തിരൂര്‍ തൃപ്രങ്ങോട് ആനപ്പടി സ്വദേശി എറയത്തുപറമ്പില്‍ ഫൈസല്‍ബാബു(35)വാണ് പിടിയിലായത്. തുടര്‍ന്ന് പോലീസ് അറസ്റ്റുചെയ്തു.
ഞായറാഴ്ച വളാഞ്ചേരി കാവുമ്പുറത്തെ സാഗര്‍ ഓഡിറ്റോറിയത്തില്‍ കല്യാണത്തില്‍ പങ്കെടുക്കാന്‍ വീട്ടുകാരോടൊപ്പമെത്തിയ കുട്ടിയുടെ ആഭരണം കൈക്കലാക്കി ബസില്‍ക്കയറി രക്ഷപ്പെടുന്നതിനിടെ ഇയാളെ നാട്ടുകാര്‍ പിടികൂടുകയായിരുന്നു. വളാഞ്ചേരി എസ്.ഐ. ബഷീര്‍ ചിറയ്ക്കല്‍, എസ്.ഐ. മോഹനന്‍, സി.പി.ഒ. ജെറോം, പ്രിയജിത്ത്, അരുണ്‍ എന്നിവരടങ്ങുന്ന സംഘമാണ് അറസ്റ്റു ചെയ്തത്. കല്‍പ്പകഞ്ചേരി പോലീസ് സ്റ്റേഷനുകീഴില്‍ സമാനമായ രീതിയില്‍ നടന്ന മോഷണക്കേസിലെ പ്രതിയാണ് ഫൈസലെന്ന് പോലീസ് പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
