തുണിക്കടയിൽ നിന്ന് കുട്ടിയുടെ പാദസരം മോഷ്ടിച്ചയാളെ വളാഞ്ചേരിയിൽ പിടികൂടി
വളാഞ്ചേരി: തുണി വാങ്ങാനായി അമ്മയോടൊപ്പം കടയിലെത്തിയ കുട്ടിയുടെ കാലിൽ നിന്ന് പാദസരം പൊട്ടിച്ചെടുത്ത കേസിൽ പ്രതി അറസ്റ്റിൽ. എടരിക്കോട് പാലച്ചിറമാട് സ്വദേശി ചങ്ങരൻചോലയിൽ വീട്ടിൽ അബ്ദുൽ കരീം(47) നെയാണ് വളാഞ്ചേരി എസ്.എച്.ഒ കെ.ജെ ജിനേഷിന്റെ നേതൃത്വത്തിലുള്ള പോലീസ് സംഘം പിടികൂടിയത്.
ആഭരണം നഷ്ടമായ സംഭവമറിഞ്ഞ് ഉടനെ സ്ഥലത്തെത്തിയ പോലീസ് സംഘം സിസിടിവിയിൽ തിരിച്ചറിഞ്ഞ അടയാളങ്ങൾ സഹിതം വളാഞ്ചേരി ടൗണിൽ നടത്തിയ പരിശോധനയിൽ പ്രതിയെ കണ്ടെത്തുകയായിരുന്നു. രണ്ടു വയസ്സുകാരിയായ കുട്ടിയെ കടയിലിരുത്തി വസ്ത്രം തിരഞ്ഞെടുക്കുന്ന സമയത്താണ് പ്രതി കുട്ടിയുടെ കാലിനു മുകളിൽ മറ്റൊരു വസ്ത്രം മറച്ചു പിടിച്ചുകൊണ്ട് പാദസരം പൊട്ടിച്ചെടുത്തത്. പാദസരം കാണാതായത് മനസ്സിലാക്കിയ കുട്ടിയുടെ മാതാവ് കട ഉടമയെ അറിയിച്ച് സിസിടിവി പരിശോധിക്കുകയായിരുന്നു. എസ്.എച്.ഒയെ കൂടാതെ വളാഞ്ചേരി സബ് ഇൻസ്‌പെക്ടർ എൻ മുഹമ്മദ്‌ റഫീഖ്, ഗ്രേഡ് എസ്.ഐ ബെന്നി, ജയകൃഷ്ണൻ, ജോൺസൻ എന്നിവരാണ് പോലീസ് സംഘത്തിലുണ്ടായിരുന്നത്. പ്രതിയെ റിമാൻ്റ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
