പലച്ചരക്ക് കടയുടെ മറവിൽ മദ്യവില്പന; കോട്ടക്കലിൽ ഒരാൾ അറസ്റ്റിൽ
കോട്ടയ്ക്കൽ : പലചരക്കുകടയിൽ മദ്യം വിറ്റയാൾ അറസ്റ്റിൽ. ചേങ്ങോട്ടൂർ കോട്ടപ്പുറത്ത് പലചരക്കുകട നടത്തുന്ന കോട്ടപ്പുറത്തുവീട്ടിൽ മനോഹർദാസ്(55) ആണ് പിടിയിലായത്. കടയിൽ ഇയാൾ പതിവായി മദ്യം വിൽക്കുന്നുണ്ടെന്ന രഹസ്യവിവരത്തെത്തുടർന്നാണ് പരിശോധന നടത്തിയത്. മൂന്നേമുക്കാൽ ലിറ്റർ ഇന്ത്യൻ നിർമിത വിദേശമദ്യം ഇയാളിൽനിന്ന് പിടിച്ചതായി പോലീസ് പറഞ്ഞു. കോട്ടയ്ക്കൽ സ്റ്റേഷൻ ഇൻസ്‌പെക്ടർ എം.കെ ഷാജി, എസ്.ഐ വിവേക്, എ.എസ്.ഐ. കൃഷ്ണൻകുട്ടി, സി.പി.ഒ മാരായ രതീഷ് കുമാർ, സെബാസ്റ്റ്യൻ എന്നിവരടങ്ങിയ പോലീസ് സംഘമാണ് പ്രതിയെ പിടിച്ചത്. പ്രതിയെ മലപ്പുറം കോടതി റിമാൻഡ് ചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
