ശരീരത്തില്‍ ഒളിപ്പിച്ച നിലയില്‍ കുഴല്‍പ്പണവുമായി വളാഞ്ചേരിയില്‍ ഒരാള്‍ പിടിയിലായി
വളാഞ്ചേരി: ശരീരത്തില്‍ ഒളിപ്പിച്ച നിലയില്‍ കുഴല്‍പ്പണവുമായി വളാഞ്ചേരിയില്‍ ഒരാള്‍ പിടിയിലായി. എറണാംകുളം മട്ടാഞ്ചേരി സ്വദേശി ദീപക് കിസാന്‍ സാവന്താണ് പിടിയിലായത്. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനയിലാണ് കുഴല്‍പ്പണവുമായി ഒരാള്‍ വളാഞ്ചേരി പോലീസിന്റെ പിടിയിലായത്. 15 ലക്ഷം രൂപയുടെ കുഴല്‍പ്പണമാണ് എറണാംകുളം മട്ടാഞ്ചേരി തോപ്പന്‍പടി സ്വദേശി ദീപക് കിസാന്‍ സാവന്തില്‍ നിന്നും പിടികൂടിയത്. വസ്ത്രത്തില്‍ അറകളുണ്ടാക്കിയാണ് ഇയാള്‍ പണം സൂക്ഷിച്ചിരുന്നത്. സംഭവത്തില്‍ പോലീസ് അന്വേഷണം ഊര്‍ജിതമാക്കി. പോലീസ് സംഘത്തിൽ സ്റ്റേഷൻ ഹൗസ് ഓഫീസർ ജിനേഷ് കെ ജെ സബ് ഇൻസ്പെക്ടർ ഉണ്ണികൃഷ്ണൻ എ എസ് ഐ അൻവർ സാദത്ത് എന്നിവരും ഉണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
