കുറ്റിപ്പുറത്ത് പ്രണയം നടിച്ച് പതിനാറുകാരിയെ പീഡിപ്പിച്ച കേസിൽ യുവാവ് അറസ്റ്റിൽ

കുറ്റിപ്പുറം : പതിനാറുകാരിയെ പ്രണയംനടിച്ച് പീഡിപ്പിച്ച കേസിൽ യുവാവ് അറസ്റ്റിൽ. മേലാറ്റൂർ ചോലക്കുളം പൂഴിക്കുന്ന് വിഷ്ണുവിനെ (23)യാണ് പോലീസ് അറസ്റ്റുചെയ്തത്. ഒരുവർഷം മുൻപ് ഒരു വിവാഹ വീട്ടിൽവെച്ച് പരിചയപ്പെട്ട പെൺകുട്ടിയുമായി അടുപ്പത്തിലാവുകയും പിന്നീട് ഇയാൾ കുട്ടിയെ പ്രലോഭിപ്പിച്ച് പീഡിപ്പിക്കുകയുമായിരുന്നു. അടുത്തിടെ കുട്ടിയുടെ പെരുമാറ്റത്തിൽ സംശയം തോന്നിയ മാതാപിതാക്കൾ മൊബൈൽ ഫോൺ പരിശോധിച്ചതോടേയാണ് ബന്ധം അറിയുന്നത്.

തുടർന്ന് മാതാപിതാക്കൾ കുറ്റിപ്പുറം സി.ഐ. ശശീന്ദ്രൻ മേലേയിലിനെ വിവരമറിയിക്കുകയായിരുന്നു. ചോദ്യംചെയ്യലിൽ പ്രതി കുറ്റംസമ്മതിച്ചു. എസ്.സി.പി.ഒ. മാരായ മധുസൂദനൻ, ആന്റണി, സരിത, ഗ്രേസ് എന്നിവരായിരുന്നു അന്വേഷണ സംഘത്തിലുണ്ടായിരുന്നത്.