വളാഞ്ചേരിയിൽ യുവാവിന് വെട്ടേറ്റു

വളാഞ്ചേരി: ജേഷ്ഠനെ മർദ്ദിച്ചത് ചോദ്യം ചെയ്ത യുവാവിന് വെട്ടേറ്റു. വൈക്കത്തൂർ പച്ചീരി പള്ളിയാലിൽ രഞ്ചിത്തിനാണ് വെട്ടേറ്റത്. ഇയാളെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു. രഞ്ചിത്തിന്റെ പരിക്ക് ഗുരുതരമാണെന്ന് ഡോക്ടർ മാധ്യമങ്ങളോട് പറഞ്ഞു. വെള്ളിയാഴ്ച രാത്രി എട്ട് മണിയോടെയാണ് സംഭവം. വളാഞ്ചേരി പോലീസ് കേസെടുത്ത് അന്വേഷണം ആരംഭിച്ചു.

രഞ്ചിത്തിന്റെ ജേഷ്ഠനായ വിനോദിനെ വൈക്കത്തൂരിൽ താമസിക്കുന്ന ജോസഫ് എന്നയാൾ മർദ്ദിച്ചെന്ന ആരോപണമുയർന്നിരുന്നു. ഇത് ചോദിക്കാനെത്തിയ വിനോദിന്റെ സഹോഫരൻ രഞ്ചിത്തിനെ ആയുധമുപയോഗിച്ച് പരിക്കേൽപ്പിച്ചെന്നാണ് ബന്ധുക്കളും സുഹൃത്തുക്കളും പറയുന്നത്.