മഞ്ചറ ഉത്സവത്തിന് ഇന്നു തുടക്കം
വളാഞ്ചേരി : കുളമംഗലം മഞ്ചറ മഹാദേവക്ഷേത്രത്തിലെ ഉത്സവം ചൊവ്വാഴ്ച തുടങ്ങും. തന്ത്രി അണ്ടലാടിമന പരമേശ്വരൻ നമ്പൂതിരിപ്പാടിന്റെ മുഖ്യകാർമികത്വത്തിൽ ചൊവ്വ, ബുധൻ ദിവസങ്ങളിൽ ലക്ഷാർച്ചനയും സമൂഹാർച്ചനയും നടക്കും. രാവിലെ ആറിന് ലക്ഷാർച്ചനയും വൈകുന്നേരം നാലിന് സമൂഹാർച്ചനയുമാണ്.
ബുധനാഴ്ചയാണ് ഉത്സവം. രാവിലെ അഞ്ചിന് അഭിഷേകങ്ങളും മഹാഗണപതിഹോമവും നടക്കും. തുടർന്ന് ഏഴിന് താലപ്പൊലി കൊട്ടി അറിയിക്കും. പത്തിന് നവകവും കലശാഭിഷേകവും 12-ന് പ്രസാദഊട്ടുമുണ്ടാകും. വൈകുന്നേരം അഞ്ചിന് താലപ്പൊലിപ്പറമ്പിൽ താലംകൊളുത്തി അരിയെറിയും. തുടർന്ന് വിവിധ കമ്മിറ്റികളുടെ വരവുകൾ ക്ഷേത്രത്തിലേക്ക് പുറപ്പെടും. രാത്രി അത്താഴപ്പൂജ, കളംപൂജ, കളംപാട്ട് എന്നിവയ്ക്കുശേഷം പത്തിന് പുറത്തെ സ്റ്റേജിൽ ഗാനമേള അരങ്ങേറും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
