സംയുക്ത ട്രേഡ് യൂണിയൻ്റെ നേതൃത്വത്തിൽ വളാഞ്ചേരിയിൽ മെയ് ദിന റാലി നടന്നു

വളാഞ്ചേരി: സംയുക്ത ട്രേഡ് യൂണിയന്റെ നേതൃത്വത്തിൽ നഗരത്തിൽ മേയ്ദിന റാലി നടന്നു. കോഴിക്കോട് റോഡിൽ പാലച്ചുവട്ടിൽനിന്നു തുടങ്ങിയ റാലി ബസ്‌സ്റ്റാൻഡിൽ സമാപിച്ചു. പൊതുസമ്മേളനം സി.ഐ.ടി.യു. ഏരിയാസെക്രട്ടറി വി.കെ. രാജീവ് ഉദ്ഘാടനം ചെയ്തു. എസ്.ടി.യു. ജില്ലാസെക്രട്ടറി വി.പി. അബ്ദുറഹ്‌മാൻ അധ്യക്ഷതവഹിച്ചു. കെ.എം. ഫിറോസ്ബാബു, മുഹമ്മദാലി നീറ്റുകാട്ടിൽ, രാജേഷ് കാർത്തല, അരവിന്ദാക്ഷൻ എന്നിവർ പ്രസംഗിച്ചു. കെ.പി. യൂനുസ്, പി. സൈതാലിക്കുട്ടി ഹാജി, എം. ജയകുമാർ, എം.പി. ഷാഹുൽഹമീദ് എന്നിവർ റാലിക്ക് നേതൃത്വംനൽകി.