മെഡിക്കൽ സമരം; വളാഞ്ചേരിയിൽ പൂർണം

വളാഞ്ചേരി: ഡോക്ടർമാർക്കെതിരായ അക്രമണങ്ങളിൽ പ്രതിഷേധിച്ച് ഐ.എം.എയുടെ ആഭിമുഖ്യത്തിൽ ഐ.ഡി.എടെ സഹകരണത്തോടെ ആഹ്വാനം ചെയ്ത മെഡിക്കൽ സമരത്തിൽ വളാഞ്ചേരിയിലും സമീപപ്രദേശങ്ങളിലുള്ള മുഴുവൻ ഡോക്ടർമാരും ആരോഗ്യപ്രവർത്തകരും അത്യാഹിതവിഭാഗമല്ലാത്ത എല്ലാ പരിശോധനകളും ഒഴിവാക്കി സമരം ചെയ്തു. വളാഞ്ചേരിയിൽ നടന്ന മനുഷ്യച്ചങ്ങലയിൽ ഭൂരിഭാഗം ഡോക്ടർമാരും പങ്കെടുത്തു.

ഐ.എം.എ പ്രസിഡന്റ് ഡോ മുഹമ്മദാലി, സെക്രെട്ടറി ഡോ റിയാസ്, മുൻ പ്രസിഡന്റുമാരായ ഡോ മുജീബ് റഹ്മാൻ, ഡോ കുട്ടി, ഐ.ഡി.എ സംസ്ഥാന സെക്രട്ടറി ഡോ ദീപു ജേക്കബ്, ഡോ ഹാരിസ് കെ.ടി, ഡോ മഹേഷ്, കെ.ജി.എം.ഒ.എ ജില്ലാ ഭാരവാഹി ഡോ സിദ്ധീഖ് വലിയകുന്ന്, ഡോ അബ്ദുറഹ്മാൻ, ഡോ റൂബി സഹീർ, ഡോ ഇബ്രാഹിംകുട്ടി, ഡോ വഹാബ്, ഡോ ഇന്ദിര, ഡോ റഹ്‌മത്ത് ബീഗം എന്നിവർ പ്രസംഗിച്ചു.