കാലിക്കറ്റ് സർവകലാശാലാ ഇന്റർസോൺ ഖോ-ഖോ; വനിതാ വിഭാഗത്തിൽ പാലക്കാട് മേഴ്‌സി കോളേജ് ജേതാക്കൾ
എടയൂർ: കാലിക്കറ്റ് സർവകലാശാലാ ഇന്റർസോൺ ഖോ-ഖോ വനിതാവിഭാഗം ചാമ്പ്യൻഷിപ്പിൽ പാലക്കാട് മേഴ്‌സി കോളേജ് ചാമ്പ്യൻമാരായി. ഫൈനലിൽ ഗവ. കോളേജ് താനൂരിനെ രണ്ടിനെതിരേ പതിമൂന്ന് പോയിന്റുകൾക്കാണ് മേഴ്‌സി കോളേജ് തോൽപ്പിച്ചത്. ലൂസേഴ്‌സ് ഫൈനലിൽ ക്രൈസ്റ്റ് കോളേജ് ഇരിങ്ങാലക്കുട തൃശ്ശൂർ സെയ്‌ന്റ് മേരീസ് കോളേജിനെ തോൽപ്പിച്ച് മൂന്നാംസ്ഥാനക്കാരായി.
പൂക്കാട്ടിരി സഫ കോളേജിൽ നടന്ന ചാമ്പ്യൻഷിപ്പ് കാലിക്കറ്റ് സർവകലാശാലാ കായികവകുപ്പ് മേധാവി സക്കീർഹുസൈൻ ഉദ്ഘാടനംചെയ്തു. പ്രിൻസിപ്പൽ ഡോ. പി.വി. നിതിൻ അധ്യക്ഷതവഹിച്ചു.
എടയൂർ ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം, സർവകലാശാലാ മുൻ കോച്ച് കേശവദാസ്, പി.കെ. അബ്ദുൽഷുക്കൂർ, കെ.പി. അമീൻ നവാസ്, സി. സുൽഫിക്കർ എന്നിവർ പ്രസംഗിച്ചു. രണ്ടുദിവസമായി നടന്ന മേളയിൽ വിവിധ സോണുകളിൽനിന്ന് മുപ്പത്തഞ്ച് ടീമുകൾ പങ്കെടുത്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
