കഞ്ഞിപ്പുര-മൂടാൽ ബൈപ്പാസ്‌ റോഡിന്റെ നിർമാണ പുരോഗതി വിലയിരുത്തി ആബിദ് ഹുസൈൻ തങ്ങൾ എം.എൽ.എ
വളാഞ്ചേരി : കഞ്ഞിപ്പുര-മൂടാൽ ബൈപ്പാസ്‌ റോഡിന്റെ നിർമാണജോലികൾ വേഗത്തിലാക്കുമെന്ന് ആബിദ് ഹുസൈൻ തങ്ങൾ എം.എൽ.എ. റോഡിന്റെ നിർമാണ പുരോഗതി വിലയിരുത്താനായി എത്തിയതായിരുന്നു എം.എൽ.എ. പൊതുമരാമത്ത്(റോഡ്‌സ്)വിഭാഗം ഉദ്യോഗസ്ഥരേയും കരാറുകാരനേയും പങ്കെടുപ്പിച്ച് യോഗവും വിളിച്ചുചേർത്തു.
മൂന്ന് ആഴ്ചയ്ക്കുശേഷം ജൂലായ് 21-ന് പ്രവൃത്തിയുടെ പുരോഗതി പരിശോധിക്കാൻ വീണ്ടും റിവ്യൂമീറ്റിങ് നടത്താനും തീരുമാനിച്ചിട്ടുണ്ട്. റോഡ് അലൈന്റ്‌മെന്റും പാർശ്വഭിത്തികളും സംബന്ധിച്ച് അന്തിമറിപ്പോർട്ട് ലഭ്യമാക്കാൻ തിരുവനന്തപുരത്തെ ഡിസൈൻ വിഭാഗവുമായി ബന്ധെപ്പട്ട് സ്ഥലപരിശോധന നടത്തും.
അമ്പലപ്പറമ്പ് മുതൽ മൂടാൽ വരെയുള്ള സ്ഥലത്തെ വൈദ്യുതിത്തൂണുകളും കുടിവെള്ള പൈപ്പ്‌ലൈനുകളും മാറ്റുന്നത് ആവശ്യമായതിനാൽ റിവൈസ് എസ്റ്റിമേറ്റിൽ ഉൾപ്പെടുത്താനും തീരുമാനിച്ചു. ബ്ലോക്ക് പഞ്ചായത്ത് പ്രസിഡന്റ് വസീമ വേളേരി, മുജീബ് വാലാസി, മാരാത്ത് ഇബ്രാഹിം, കൗൺസിലർ ആബിദ മൻസൂർ, സലാം വളാഞ്ചേരി, എ.പി.എം. മുഹമ്മദ് അഷറഫ്, ഗോപൻ മുക്കുളത്ത്, ജോമോൻ തോമസ്, വിമൽരാജ് എന്നിവരും എം.എൽ.എ.യ്ക്കൊപ്പം ഉണ്ടായിരുന്നു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
