കുറ്റിപ്പുറം: സ്വപ്നവിദ്യാലയം പദ്ധതിയിൽ കുറ്റിപ്പുറം

നടുവട്ടം എയുപി സ്കൂളിൽ ആരംഭിച്ച ആദ്യത്തെ മാതൃകാ ക്ലാസ് റൂം കെ.കെ.ആബിദ് ഹുസൈൻ തങ്ങൾ എംഎൽഎ ഉദ്ഘാടനം ചെയ്തു. കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ്കുട്ടി ആധ്യക്ഷ്യം വഹിച്ചു.

പഞ്ചായത്ത് പ്രസിഡന്റ് ടി.സി.ഷെമീന, ജനപ്രതിനിധികളായ കെ.ടി.സിദ്ദീഖ്, ലതമാരായത്ത്, കെ.പ്രതാപൻ, ടി.ഹുസൈൻ, പിടിഎ പ്രസിഡന്റ് വി.കെ.രാജേന്ദ്രൻ, ക്ലാസ് ലീഡർ കെ.അനുപമ, സ്കൂൾ ലീഡർ കെ.അനുശ്രീ, വി.രാജലക്ഷ്മി, എ.ഗീത, ഷൈജ എന്നിവർ പ്രസംഗിച്ചു. പുതിയ ക്ലാസ്മുറിയിൽ എല്ലാ ആധുനിക സൗകര്യങ്ങളുമുണ്ട്. വിസ്മയചുമർ, ഫോട്ടോഗാലറി, ലൈബ്രറി, ലബോറട്ടറി എന്നിവയെല്ലാം സജ്ജമാക്കിയിട്ടുണ്ട്.