വളാഞ്ചേരിയിൽ സദാചാര പോലീസിങ്ങ്: തീയറ്ററിൽ സിനിമ കാണാൻ എത്തിയ വിദ്യാർത്ഥിനികൾക്കെതിരെ അപവാദ പ്രചരണം നടത്തുന്നു
വളാഞ്ചേരി: തീയറ്ററിൽ സിനിമ കാണാൻ എത്തിയ ഒരു കൂട്ടം കോളേജ് വിദ്യാർഥിനികൾക്കെതിരെ സോഷ്യൽ മീഡിയയിൽ അപവാദ പ്രചരണം നടത്തുന്നു. വളാഞ്ചേരിയിലെ ഒരു പ്രമുഖ കോളേജിൽ പഠിക്കുന്ന വിദ്യാർഥികൾക്കെതീരെ ആണ് അപവാദ പ്രചരണമുണ്ടായത്. ക്ലാസില്ലാത്തതിനാൽ രാവിലെ 11:30ന്റെ ഷോയ്ക്കെത്തിയ ഇവരെ ചിലർ പിന്തുരുകയും പെൺ‌‌കുട്ടികളുടെ അറിവോ സമ്മതമോ കൂടാതെ ഫോട്ടോ എടുക്കുകയും ചെയ്തു. തുടർന്ന് ഈ ചിത്രങ്ങൾ വാട്സാപ് വഴിയും ഫേസ്‌ബുക്ക് വഴിയും മോശം വാർത്തളും സംഭാ‍ാഷണങ്ങളും ചേർത്ത് പ്രചരിപ്പിച്ച് വരുന്നു. മിക്കവയിലും പെൺ‌കുട്ടികൾ തീയറ്ററിൽ പോയത് അധാർമ്മികമെന്ന നിലയിലായിരുന്നു. സ്ത്രീ സുരക്ഷക്കു വേണ്ടി മുറവിളി നടക്കുമ്പോൾ സ്ത്രീകളെ ഇത്തരത്തിൽ മോശക്കാരായി ചിത്രീകരിക്കുന്ന കപട സദാചാരവാദികളാണു ചുറ്റിലും എന്ന ഞെട്ടിപ്പിക്കുന്ന സത്യത്തിന്റെ ഒരു ഉത്തമ ദൃഷ്ടാ‍ന്തമാണ് വളാഞ്ചേരിയിലെ സംഭവം.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
