കോട്ടക്കലിൽ ഓടിക്കൊണ്ടിരുന്ന പാർസൽ ലോറിക്ക് തീപിടിച്ചു

കോട്ടയ്ക്കൽ : മലപ്പുറം-കോട്ടയ്ക്കൽ റോഡിൽ കോട്ടയ്ക്കൽ സീനത്ത് ടെക്സ്‌െറ്റെൽസിനു സമീപം ഓടിക്കൊണ്ടിരുന്ന പാർസൽ ലോറിക്ക് തീപിടിച്ചു. പിൻവശത്തുനിന്ന് പുക ഉയരുന്നതുകണ്ട് ഡ്രൈവറും കൂടെയുണ്ടായിരുന്നയാളും വാഹനം നിർത്തി ഇറങ്ങിയതിനാൽ ആളപായമുണ്ടായില്ല. ചൊവ്വാഴ്‌ച രാത്രി പതിനൊന്നരയോടെയാണ് സംഭവം. മലപ്പുറം ഭാഗത്തുനിന്ന് കോഴിക്കോട് ഭാഗത്തേക്ക് തെർമോക്കോളുമായി പോകുന്ന കണ്ടെയ്‌നറിനാണ് തീപിടിച്ചത്. കാരണം വ്യക്തമല്ല.

ലോറി കത്താൻതുടങ്ങി അരമണിക്കൂറിലേറെ കഴിഞ്ഞാണ് മലപ്പുറത്തുനിന്ന് അഗ്നിരക്ഷാസേനയ്ക്ക് എത്താനായത്. അഗ്‌നിരക്ഷാസേന വെള്ളം പമ്പുചെയ്ത് മിനിറ്റുകൾക്കകം തീകെടുത്തി. തിരൂരിൽനിന്നുള്ള അഗ്നിരക്ഷാസേനയും എത്തി. കോട്ടയ്ക്കൽ പോലീസും സ്ഥലത്തെത്തിയിരുന്നു.