മാപ്പിളപ്പാട്ട് പരിശീലനം; മോയിൻകുട്ടി വൈദ്യർ മാപ്പിളകലാ അക്കാദമി അപേക്ഷ ക്ഷണിച്ചു

കൊണ്ടോട്ടി : മോയിൻകുട്ടി വൈദ്യർ മാപ്പിളകലാ അക്കാദമിയുടെ മാപ്പിളപ്പാട്ട് റഗുലർ കോഴ്സ് രണ്ട്, മൂന്ന് വർഷ ക്ലാസുകൾ ആരംഭിച്ചു. ഏപ്രിലിൽ തുടങ്ങേണ്ടിയിരുന്ന ക്ലാസുകൾ കോവിഡ് 19-ന്റെ പശ്ചാത്തലത്തിൽ മാറ്റുകയായിരുന്നു. അടുത്ത ഏപ്രിലിൽ തുടങ്ങുന്ന ഒന്നാം വർഷ ക്ലാസുകളിലേക്ക് അപേക്ഷ ക്ഷണിച്ചു.

നാലുമുതൽ എട്ടുവരെ ക്ലാസുകളിലെ വിദ്യാർഥികൾക്കാണ് പ്രവേശനം. ഞായറാഴ്ചകളിലാണ് പരിശീലനം. ആദ്യവർഷം മാപ്പിളപ്പാട്ട് ആലാപനം, രണ്ടാം വർഷം ഹാർമോണിയം പരിശീലനം, അവസാനവർഷം അവതരണ പരിശീലനം എന്നിവയുണ്ട്. മുതിർന്നവർക്കായുള്ള ഒരു വർഷത്തെ മാപ്പിളപ്പാട്ട് കോഴ്സിലേക്കും മാപ്പിളകലാ പരിശീലനത്തിനും അപേക്ഷിക്കാം. ഫോൺ: 0483 2711432.