എടയൂരിലെ റോഡുകൾ ഗതാഗതയോഗ്യമാക്കണം; പഞ്ചായത്ത് പ്രസിഡന്റിന് നിവേദനം നൽകി എം.എസ്.എഫ്

എടയൂര്‍: പഞ്ചായത്തിലെ വിവിധ പി.ഡബ്യു.ഡി റോഡുകളിലെ വെള്ളക്കെട്ടുകൾ കാൽനട യാത്രക്കാർക്കും സ്കൂള്‍ വിദ്യാര്‍ഥികള്‍ക്കും ഏറെ ബുദ്ധിമുട്ട് അനുഭവിക്കുന്നുണ്ടെന്നും മറ്റ് ഗ്രാമീണ റോഡുകളുടെ അറ്റകുറ്റപ്പണികൾ എത്രയും വേഗം നടത്തി ഗതാഗതയോഗ്യമാക്കണമെന്നും ആവശ്യപ്പെട്ടു കൊണ്ട് എടയൂര്‍ പഞ്ചായത്ത് പന്ത്രണ്ടാം വാർഡ് എം.എസ്.എഫ് കമ്മിറ്റി ഗ്രാമ പഞ്ചായത്ത് പ്രസിഡന്റ് ഹസീന ഇബ്രാഹിമിന് നിവേദനം കൈമാറി. ചടങ്ങില്‍ ഗ്രാമ പഞ്ചായത്ത് മെമ്പർ അയ്യൂബ് പി.ടി, വാർഡ് എം.എസ്.എഫ് പ്രസിഡന്റ് ഷാജിബ്, ജനറല്‍ സെക്രട്ടറി നിസാം കലകപ്പാറ, ട്രഷറർ റിൻഷാദ് നേന്ത്രത്തൊടി, ആസിഫ് തുടങ്ങിയവര്‍ സംബന്ധിച്ചു. വിഷയങ്ങളില്‍ അടിയന്തരമായി ഇടപെടലുകൾ ഉണ്ടാകുമെന്ന് എം.എസ്.എഫ് ഭാരവാഹികൾക്ക് പ്രസിഡന്റ് ഉറപ്പ് നല്‍കി.